بھارت کی جانب سے مقبوضہ کشمیر کی خصوصی حیثیت کا خاتمہ، پارلیمنٹ کا مشترکہ اجلاس آج ہو گا، کور کمانڈر کانفرنس بھی آج ہو گی، آزاد کشمیر قانون ساز اسمبلی کا اجلاس بھی طلب کر لیا گیا
کشمیریوں کیلئے دعا کروں گا، وزیر خارجہ کے بیان پر قوم برہم
باغی ٹی وی کی رپورٹ کے مطابق بھارت کی جانب سے مقبوضہ کشمیر کی خصوصی حیثیت کے خاتمے پر پاکستان کی پارلیمنٹ کا مشترکہ اجلاس آج ہو گا، اجلاس میں آرمی چیف جنرل قمر جاوید باجوہ بھی شریک ہوں گے، اجلاس میں حکومت اور اپوزیشن کشمیر کی صورتحال پر واضح موقف اپنائیں گے اور کشمیر کے حوالہ سے ایک مشترکہ قرارداد کی منظوری کا امکا ن ہے، پارلیمنٹ کا مشترکہ اجلاس دو روز تک جاری رہ سکتا ہے
دوسری جانب آرمی چیف جنرل قمر جاوید باجوہ کی زیر صدارت کورکمانڈر کانفرنس بھی آج ہو گی،کانفرنس میں کشمیر کی خصوصی حیثیت کے خاتمے کے بعد کی صورتحال کا جائزہ لیا جائے گا۔ کور کمانڈر کانفرنس میں لائن آف کنٹرول پر بھارتی فوج کی بلا اشتعال فائرنگ اور سول آبادیوں پر کلسٹر بم حملوں کے بعد کی صورتحال پر غور ہوگا۔
مودی سرکار کا کشمیریوں پر وار، کشمیری عوام ابھی تک بے خبر
بھارتی اقدامات، آرمی چیف نے کور کمانڈر کانفرنس طلب کر لی
علاوہ ازیں صدر آزاد کشمیر سردار مسعود خان نے بھی آزاد کشمیر قانون ساز اسمبلی کا اجلاس کل طلب کر لیا ہے، اجلاس میں قرار داد مذمت پیش کی جائے گی، آزاد کشمیر اسمبلی کے اجلاس میں وزیراعظم عمران خان بھی شریک ہوں گے.
مودی دہشت گرد، حافظ سعید کی باتیں آج درست ثابت ہوئیں، مبشر لقمان
مسئلہ کشمیر پہلے سے زیادہ پیچیدہ، بھارت نے خطرناک کھیل کھیلا، شاہ محمود قریشی
پاکستان کشمیریوں کی سفارتی، اخلاقی اورسیاسی حمایت جاری رکھے گا، فردوس عاشق اعوان
واضح رہے کہ بھارتی صدرنےمقبوضہ کشمیر کی 4 نکاتی ترامیم پردستخط کردیئے جس کے بعد بھارتی آئین میں مقبوضہ کشمیرکی خصوصی حیثیت ختم ہو گئی صدارتی حکم نامہ جاری کیا گیا ہے جس کے مطابق مقبوضہ جموں کشمیرکی علیحدہ قانون سازاسمبلی ہوگی ، لداخ کومقبوضہ کشمیر سےالگ کردیا گیا بھارتی صدرنے گورنرکا عہدہ ختم کردیا اوراختیارات کونسل آف منسٹرزکوتفویض کر دیئے ،کالے قانون میں مقبوضہ جموں کشمیرآج سےبھارتی یونین کاعلاقہ تصورہوگا ،کالےقانون میں مقبوضہ جموں کشمیراب ریاست نہیں کہلائے گی.
آرٹیکل 35 اے منسوخ ،بھارت نے اعلان کر دیا
آج کشمیریوں کے لئے سیاہ ترین دن، محبوبہ مفتی
قبل ازیں بھارت کے مرکزی وزیر داخلہ امت شاہ نے راجیہ سبھا میں کشمیر کی خصوصی حیثیت ختم کرنے کی قرارداد پیش کی جس پر ایوان میں خوب ہنگامہ ہوا ، راجیہ سبھامیں اپوزیشن نے اسپیکرڈائس کے سامنے احتجاج کیا ، بھارتی وزیرداخلہ کی آرٹیکل 370 اور 35 اےمنسوخ کرنے کی تجویز دی.
