میوزک فیسٹیول میں بھگدڑ،8 افراد ہلاک سینکڑوں زخمی

ٹیکساس : ہیوسٹن میں میوزک فیسٹیول میں بھگدڑ مچنے سے 8 افراد ہلاک جبکہ سینکڑوں افراد زخمی ہوئے ہیں-

باغی ٹی وی :غیر ملکی میڈیا تپورٹس کے مطابق جمعہ کی رات امریکی ریاست ٹیکساس کے شہر ہیوسٹن میں آسٹرو ورلڈ فیسٹیول میں بھگدڑ مچنے سے کم از کم آٹھ افراد ہلاک اور ‘سینکڑوں’ زخمی ہو گئے۔

معروف ماڈل ابیر رضوی نے ماڈلنگ کو خیر باد کہہ دیا

رپورٹس کے مطابق اسٹیج کی طرف ہجوم کا دباؤ مقامی وقت کے مطابق رات 9 بجے کے بعد بڑھ گیا اس وقت سکاٹ این آر جی پارک میں پرفارم کر رہے تھے عینی شاہدین کا کہنا ہے کہ اسٹیج کے سامنے کی طرف بھیڑ کا دباو بڑھنے لگا اور اس سے کچھ گھبراہٹ ہوئی اور کچھ لوگ زخمی ہونے لگےلوگ بے ہوش ہو کر گرنے لگ گئے، اور اس سے مزید خوف و ہراس پیدا ہو گیا۔

فیصل قریشی دبئی میں حادثے کا شکار

حکام کا کہنا ہے کہ ہیوسٹن کے فائر ڈیپارٹمنٹ نے 17 افراد کو اسپتال منتقل کیا جن میں سے 11 کو دل کا دورہ پڑا این آر جی پارک میں جائے وقوعہ پر بھی بہت سے لوگوں کا علاج کیا گیا، جہاں ایک فیلڈ ہسپتال قائم کیا گیا تھا حادثے میں کم از کم 300 افراد زخمی ہوئے ہیں جن میں دس سال سے کم عمر بچے بھی شامل ہیں حادثے میں کئی لوگوں کے زخمی ہونے کے فوراً بعد شو کو ختم کر دیا گیا اور دوسرے دن کا پروگرام بھی منسوخ کر دیا گیا ہے-

بعد از مرگ بھارتی اداکار پنیت راج کمار کی آنکھیں نابینا افراد کو عطیہ کر دی گئیں

رپورٹس کے مطابق دو روزہ ایونٹ کی افتتاحی رات50,000 کا ہجوم دیکھنے میں آیا ایونٹ کے ٹکٹ اس سال مئی میں فروخت کے لیے پیش کرنے کے ایک گھنٹے کے اندر فروخت ہو گئے تھے جبکہ گزشتہ سال عالمی وبا کورونا کی وجہ سے یہ سالانہ تقریب منسوخ کر دی گئی تھی۔

گلوکارہ ریشماں کو مداحوں سے بچھڑے 8 برس بیت گئے