قانون کے مطابق عمران خان کو نااہلی کے ساتھ پھانسی کی سزا ہو سکتی ہے:جاوید لطیف

لاہور:قانون کے مطابق عمران خان کو نااہلی کے ساتھ پھانسی کی سزا ہو سکتی ہے۔ان خیالات کااظہارن لیگ کے مرکزی رہنما جاوید لطیف نے ایک ویڈیو پیغآم جاری کرکے پھانسی دینے کا مطالبہ کیا ہے

پاکستان کے قانون کو دیکھتے ہوئے عمران خان کی نااہلی تو پکی ہے ساتھ پھانسی کی سزاء بھی ہوسکتی ہے ۔ میاں جاوید لطیف pic.twitter.com/0XuFrSrubA

— AbDuS SaTaR KHiLJi (@ABDUSSATAR_PMLN) August 7, 2022

ذرائع کےمطابق اس حوالے سے سماجی رابطے کی ویب سائٹ پران کی طرف سے ایک ویڈیو وائرل کی گئی ہے، اس ویڈیو میں وہ کہتےہیں کہ اگرنوازشریف کو بیٹے سے تنخواہ نہ لینے کی وجہ سے نااہل کیا جاسکتا ہے ، تو عمران خان کو نااہلی کے ساتھ ساتھ پھانسی دینی چاہیے

جاوید لطیف نے کہا کہ یہ ایک سازش تھی جس کے ذریعے عمران خان کو مسلط کیا گیا

جاوید لطیف نے کہا کہ عمران خان کو اس لیے پھانسی دی جانے چاہیے کہ وہ باہر کے ممالک سے پیسے پاکستان لے کرآیا ہے اور ان پیسوں‌ کو سیاسی مقاصد کے لیے استعمال کیا ، جاوید لطیف نے الزام لگایاکہ عمران خان کو اسرائیل اور بھارت سے پیسے بھیجے گئے

ایسے ہی ایک وکیل کی ویڈیو وائرل ہوئی ہے جس میں ان سے کوئی شخص یہ بات کرتا ہے کہ فواد چوہدری کہتے ہیں کہ فیصلہ ان کےحق میں آیا ہے وہ وکیل کہتے ہیں کہ اگر حق میں آیا ہے تو پھر اپنے حق میں کمیٹی نہیں بنائی جاتی ، احتجاج نہیں کیا جاتا

وہ کہتے ہیں کہ فواد چوہدری کایہ کہنا ہےکہ عمران خان کو سزا نہیں ملے گی اور کرپشن کی وجہ سے نااہلی نہیں ہوگی تو وہ یاد رکھیں کہ عمران کو سزا بھی ملے گی اور وہ نااہل بھی ہوگا نہ صرف چار سال کےلیے بلکہ لائف ٹائم نااہلی بھی کروا کر رہیں گے

یہ وکیل کہتے ہیں کہ باسٹھ ایف ون کے تحت عمران خان کو نااہلی کا سامنا کرنا پڑے گا

یہ وکیل فواد چوہدری پر سخت تنقید کرتے ہوئے کہتےہیں کہ سناہے کہ انکا کہنا ہےکہ یہ عمران خان کی غلطی نہیں ہے بلکہ یہ ڈاکومنٹیشن کرنے والے وکلا کی غلطی ہے تو وہ سن لیں‌کہ وکیلوں کی وجہ سے پھانسی بھی ہوجاتی ہے پھر یہ نہیں کہا جاتا ہے کہ یہ وکیلوں کی وجہ سے ہوا