سینیٹ کی قائمہ کمیٹی برائے داخلہ کا اجلاس سینیٹر محسن عزیز کی زیر صدارت آج پارلیمنٹ ہاؤس میں منعقد ہوا۔
کمیٹی نے فوجداری قوانین (ترمیمی) بل، 2022 (پی پی سی میں نئے سیکشن 52B، 512، 513 اور 514 کا اضافہ اور سی آر پی سی کے شیڈول ٹو میں ترامیم) کا تفصیلی جائزہ لیا۔ مجوزہ بل قومی اسمبلی سے منظورِی کے بعد سینیٹ بھیجا گیا تھا۔ اس بل کا مقصد جبری گمشدگیوں کے گھناؤنے جرم کے مرتکب مجرموں کو انصاف کے کٹہرے میں لانا ہے تاکہ ان خاندانوں جن کے پیارے گمشدہ ہیں کُچھ ریلیف فراہم کیا جا سکے۔ سیکریٹری داخلہ کا کہنا تھا کہ مجوزہ بل پر مزید غور کےلیے جلد وزیر قانون کی سربراہی میں بنائی گئی کمیٹی کا اجلاس منعقد کیا جائے گا اور اس کمیٹی کی رپورٹ آنے تک بل کو موخر کر دیا جائے۔ وزارت قانون کے عہدیداران کا موقف تھا کہ بل میں تجویز کی گئی ترامیم موجودہ قانون میں پہلے سے ہی موجود ہیں اور اس حوالے سے نئی قانون سازی کی ضرورت نہیں ہے۔ چیئرمین کمیٹی نے کمیٹی ممبران کی رائے کے مطابق بل پر بحث کو ایک مہینے کے لیے موخر کر دیا۔
سینیٹر محسن عزیز کی طرف سے پیش کیے گئے انسداد عصمت دری (تحقیقات اور مقدمہ) (ترمیمی) بل، 2022 (نئی دفعہ 24A، 24B اور 24C کا اندراج) پر غور کیا گیا۔ بل کا مقصد جنسی جرائم میں ملوث افراد کی ملک کے اندر نقل و حرکت پر نظر رکھنا ہے تاکہ اس طرح کے لوگ ملک میں کسی دوسرے شہر میں جا کر دوبارہ ایسے جرائم کا ارتکاب نہ کر سکیں۔ وزیر مملکت برائے قانون سینیٹر شہادت اعوان نے صوبوں کی رائے لیے بغیر بل کی منظوری کی مخالفت کی۔ کمیٹی ممبران نے اکثریت کے ساتھ بل کو منظور کر لیا۔
کمیٹی اجلاس میں سینیٹر فوزیہ ارشد کی جانب سے پیش کردہ اسلام آباد کیپٹل ٹیریٹری میٹرنٹی بینیفٹس (ترمیمی) بل، 2022 پر غور کیا گیا۔ کمیٹی ارکان نے مناسب بحث کے بعد بل کو متفقہ طور پر منظور کر لیا۔سینیٹر فوزیہ ارشد کی طرف سے متعارف کرائے گئے کیپيٹل ڈیولپمنٹ اتھارٹی (ترمیمی) بل2022 کا جائزہ لیا گیا۔ بل کا مقصد وفاقی دارالحکومت کے مختلف سیکٹرز میں ہاؤسنگ پراجیکٹس کی تکمیل میں تاخیر کے حوالے سے ذمے دار افراد اور سزا کا تعین کرنا ہے۔ سی ڈی اے اور چیف کمشنر اسلام آباد کی جانب سے بل کی متعدد شقوں میں ترمیم کی درخواست کی گئی۔ چیئرمین کمیٹی کا کہنا تھا کہ ان پراجیکٹس کے حوالے سےاس طرح کا طریقہ کار وضع کیا جائے کہ جاری منصوبہ جات کی تکمیل تک نئے منصوبے اور اسکیمز نہ شروع کی جائیں تا کہ پراجیکٹس کو بروقت گرانٹس جاری کی جا سکیں۔ کمیٹی ممبران نے ترامیم کے بعد بل کو منظور کر لیا۔
رات بھر زیادتی کے بعد برہنہ حالت میں نرس کو سڑک پر ملزمان پھینک گئے
دو کمسن لڑکیوں کو برہنہ کر کے گھمانے والے کیس میں اہم پیشرفت
ماموں کی بیٹی کے ساتھ گھناؤنا کام کرنیوالا گرفتار
پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار
زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار
کمیٹی کی سابقہ ہدایات کی روشنی میں شعبہ لائبریریز کو سیکٹر H-9 اسلام آباد منتقل کرنے کے حوالے سے سینیٹر فدا محمد خان کے پوچھے گئے سوال پر غور کیا گیا۔ چیف کمشنر اسلام آباد نے کمیٹی کو یقین دھانی کرائی کہ ایک ہفتے کے اندر متعلقہ شعبے میں ڈائریکٹر جنرل کو تعیناتی کر دی جائیگی۔ چیئرمین کمیٹی نے ہدایات دیں کہ ڈائریکٹر جنرل کی تعیناتی اور شعبے کی منتقلی سے ملازمین کی سینیارٹی متاثر نہیں ہونی چاہیے۔کمیٹی اجلاس میں سینیٹرز مولا بخش چانڈیو، سیف اللہ ابڑو، شہادت اعوان، فوزیہ ارشد، کامل علی آغا، دلاور خان، فدا محمد، چیف کمشنر اسلام آباد، سی ڈی اے اور وزارت داخلہ کے حکام نے شرکت کی
