ایس ایس پی آپریشنز کی زیر صدارت کرائم اورسیکیورٹی کے حوالے سے اہم اجلاس۔
بلدیاتی انتخابات،کرسمس اور نیوایئر کے حوالے سے سیکیورٹی کو فول پروف بنایا جائے،امن وامان کے لئے سرچ آپریشنز کیے جائے، لاء اینڈ آرڈر صورتحال کے ساتھ ساتھ جرائم کے تدارک پر بھی بھرپور توجہ دیں ،شہریوں کی جان ومال کے تحفظ میں کوئی کوتاہی برداشت نہیں کی جائے گی ۔ ایس ایس پی آپریشنز اسلام آباد کی افسران کو ہدایات
انسپکٹر جنرل آف پولیس اسلام آباد ڈاکٹر اکبر ناصر خاں کے خصوصی احکامات کی روشنی میں ایس ایس پی آپریشنز اسلام آباد ملک جمیل ظفر کی زیر صدارت اسلام آباد میں امن و امان کی صورتحال کا جائزہ لینے ،بلدیاتی انتخابات ،کرسمس اور نیو ائیر کے حوالے سے سکیورٹی کو فول پروف بنانے کیلئے اہم اجلاس منعقد ہوا جس میں زونل ڈی پی اوز، ایس ڈی پی اوز اور ایس ایچ اوز نے شرکت کی، ایس ایس پی آپریشنز نے افسران کو ہدایات جاری کرتے ہوئے کہا کہ بلدیاتی انتخابات کے ضابطہ کے حوالے سے خصوصی میٹنگز کا انعقاد کیا جائے اور اسلام آباد میں بلدیاتی انتخابات کی سکیورٹی کی عمل داری کو یقینی بنایا جائے،اسلام آبادمیں مختلف جگہوں اور حساس مقامات کی سکیورٹی کو مزید موثر بنانے کے لئے سرچ آپریشنز کئے جائیں اوراپنے اپنے علاقوں میں جرائم کی روک تھام کے لئے جامع حکمت عملی بنائیں،
انہوں نے مزید کہا کہ کرسمس کے موقع پر چرچ کی سکیورٹی کو فول پروف بنانے کیلئے اضافی نفری تعینات کی جائے، کسی بھی صورت میں سکیورٹی خدشات کو نظر انداز نہ کیا جائے، نیو ائیر نائٹ پر شہر بھر میں سکیورٹی کو موثر بنایا جائے، قانون کی خلاف ورزی کرنے والے عناصر کیخلاف سخت قانونی کارروائی عمل میں لائی جائے اور خصوصاً ہوائی فائرنگ اور ہلڑ بازی کرنے والے عناصر سے سختی سے نمٹا جائے ، ضلع بھر میں سرچ آپریشنز و سنیپ چیکنگ جاری رکھی جائے ۔ ایگل سکواڈ ز کو مزید متحرک اور موثر بنایا جائے،افسران منشیات فروشی کے خاتمہ پر خصوصی توجہ دیں اورا سکی بیخ کنی کو یقینی بنائیں، ہر علاقے میںہاٹ اسپارٹ کی شناخت کر کے ان علاقوں میں سکیورٹی کے سخت انتظامات کئے جائیں اور جرائم پیشہ عناصر کو گرفتار کر کے قانون کی گرفت میں لایا جائے ،آخر میں ایس ایس پی آپریشنزاسلام آباد نے تمام افسران کو سختی سے ہدایات دیں کہ وہ نیک نیتی اور شہریوں کی جان و مال کے تحفظ کیلئے ہر ممکن اقدامات کریں۔فرائض میں غفلت لاپرواہی ہرگز برداشت نہیں کی جائے گی ۔
واٹس ایپ کے ذریعے فحش پیغام بھیجنے والا ملزم ہوا گرفتار، کئے ہوش اڑا دینے والے انکشاف
شادی سے انکار، لڑکی نے کی خودکشی تو لڑکے نے بھی کیا ایسا کام کہ سب ہوئے پریشان
لیڈی کانسٹیبل کو فحش ویڈیوز کلپس سینڈ کرنے پر ڈی پی او اوکاڑہ نے نوٹس لے لیا،
کرونا لاک ڈاؤن، مودی کے بھارت میں خواتین اور بچوں کے ساتھ زیادتی کے واقعات میں کمی نہ آ سکی
