ہیلتھ لیوی، تحریر: عمر یوسف
رائیٹر : عمر یوسف
ایم فل سکالر ؛پنجاب یونیورسٹی لاہور،
ہیلتھ لیوی کیا ہے ؟
بنیادی طور پر ہیکتھ لیوی ایک ایسا ٹیکس ہے جو مجوزہ طور پر صحت کے لیے لگایا جاتا ہے ۔ تاکہ ناگہانی آفات اور بیماریوں کے وقت اس پیسہ کو عوام کی فلاح و بہبود پر لگایا جاسکے ۔
چنانچہ ایسی اشیاء جو صحت کو نقصان پنچاتی ہیں ان پر ٹیکس لگا کر دو طرح کے فوائد حاصل کیے جاسکتے ہیں ۔
ان نقصان دہ اشیاء کے مہنگا ہونے کے باعث ان کی خرید و فروخت میں واضح کمی لائی جاسکتی ہے اور اس ٹیکس کی بدولت صحت کے شعبہ کو مستحکم و مستقل بنایا جاسکتا ہے ۔
ہیلتھ لیوی کیوں ضروری ہے ؟
معاشرہ ہمیشہ اچھے اور برے افراد کا مجموعہ رہا ہے ۔ یہاں خیر اور شر کا امتزاج ہی زندگی کی عکاسی کرتا ہے ۔ چانچہ شریر لوگوں کو جب حرص و ہوس اور لالچ ستاتی ہے تو وہ دولت کے حصول کے لیے ہر جائز و ناجائز راہ اپنانے پر تیار ہوجاتے ہیں ۔یہی معاملہ اشیاء خورد و نوش کے حوالے سے ہے ، اشیاء مضرہ اور صحت کو نقصان پہنچانے والی اشیاء کے حوالے سے ہے ۔ حرص و ہوس اور لالچ کے مارے جب اپنی اصلیت پر آتے ہیں تو وہ ایسی اشیاء فروخت کرتے ہیں جس میں واضح احتمال ہوتا ہے کہ یہ صحت کو برباد کردیں گے جیسے کہ شوگری ڈرنکس ، جنک فوڈز ، اور تمباکو نوشی پر مبنی پراڈکٹس وغیرہ ۔ حریص و لالچی کو اور مال و دولت کے پجاری کو کوئی پرواہ نہیں ہوتی کہ اس سے لوگوں کو کیا نقصان پہنچ رہا ہے اور وہ دھرا دھر ان کو بیچ کر دولت و دھن اکٹھی کرتا ہے تاکہ اپنی لالچ کی تسکین کی جاسکے ۔چنانچہ ایسے میں وقت کے حکمرانوں پر لازم ہے کہ وہ ان مہلک اشیاء کی روک تھام اور انسداد کے لیے کوشش کرے اور ان کے سدباب کا انتظام کرے ۔اور یہ انسداد اور سد باب ہیلتھ لیوی کے ذریعے کیا جاسکتا ہے ۔
تمباکو نوشی کی پاکستان میں صورتحال:
رپورٹس کے مطابق پاکستان میں صرف نوجوانوں کی تعداد ایسی ہے جو کثرت سے سگریٹ نوشی کرتی ہے ۔ نوجوان تو نوجوان پختہ و بوڑھے عمر کے افراد کی بھی بہت بہتات ہے ۔ صرف ایک دن میں اتنے بڑے پیمانے پر سگریٹ نوشی تشویشانک ہے اور یہ کام حساس ہونے کے باعث سخت حالات سے دوچار ہونے کا عندیہ دیتا ہے ۔
نشہ آور ادویات کی کثرت اور اسباب
موجودہ حالات سخت تشویشناکی کی طرف اشارہ کرتے ہیں۔ ہر نوجوان نشہ کی لت کا شکار ہے ۔ اور مختلف طرح کے نشے آزماتے ہیں ۔جن کے مراحل بتدریج بڑھتے جاتے ہیں ۔ اگر ہم ان مراحل کا جائزہ لیں تو یہ حقیقت کھل کر سامنے آجاتی ہے کہ ان کا سبب انتہائی معمولی نوعیت کا ہوتا ہے۔ نوجوان شوق شوق میں پہلے سادہ اور عام سگریٹ پینا شروع کرتے ہیں اور پھر یہ عام سگریٹ ان کو مزید بڑھے نشے کی طرف لے جاتے ہیں ۔ اس لیے ضروری ہے کہ نشہ کی روک تھام کے لیے جہاں دیگر اقدامات کیے جاتے ہیں وہیں پر ہیلتھ لیوی کا اطلاق کرکے بھی اس ناسور سے نجات دلانے کی کوشش کی جائے ۔ اسی میں اس موذی عادت اور مہلک نشے سے چھٹکارے کی راہ ہے ۔
پاکستان اور نشہ آور ادویات کا بڑھتا ہوا رجحان۔
پاکستان میں جہاں تعلیمی اداروں کے طلباء اس مہلک عادت کا شکار ہیں وہیں پر پسماندہ علاقوں کے نوجوان بھی ان ادویات کا استعمال کرکے اپنی محرومیوں کا مداوا کرنے کی کوشش کرتے ہیں ۔ چنانچہ برکی ہڈیارہ کے علاقے نڑور میں صرف ایک سال میں چالیس نوجوان اس مرض کی وجہ سے راہ عدم کے مسافر بنیں اور چالیس گھروں کے کفیل سینکڑوں لوگوں کو لاوارث چھوڑ گئے ۔
دوسری طرف تعلیمی اداروں میں پڑھنے والے طلباء نشہ کی لت میں مبتلاء ہوکر بجائے ڈگری حاصل کرنے کے کسی ری ہیب سنٹر میں داخل ہوتے ہیں اور پھر اس لت کا شکار ہونے کی کشمکش میں میں زندگی تباہ کردیتے ہیں ۔ جب اتنے سنگین نتائج نکل رہے ہوں تو حاکم وقت کا فرض ہے کہ وہ اس کے سدباب کا چارا کرے اور اس کے لیے بنیادی طور پر ہیلتھ لیوی کا نفاذ ثمر آور اقدام ثابت ہوگا ۔
حفظان صحت کے قوانین
ریاست کی ذمہ داری ہے کہ وہ شہریوں کو بنیادی حقوق دینے کے ساتھ ساتھ ایسے تمام اقدامات بھی اٹھائے جس سے شہریوں کی جان مال کا تحفظ ہو۔ چنانچہ صحت کو برقرار رکھنے اور بیماریوں سے نجات دینے کے لیے جہاں صحت کے مراکز بنانا ضروری ہے وہیں پر یہ بھی ضروری ہے کہ وہ تمام چیزیں جو انسان کو نقصان پہنچانے کا موجب بنتی ہیں ان سے بھی چھٹکارا دلانے کے لیے اقدامات کیے جائیں اور اس کے لیے ضروری ہے کہ ہیلتھ لیوی کو اپلائے کرکے اشیاء مضرہ کے فروغ سے پہلے ہی اس کا سد باب کردیا جائے ۔
سن ٹیکس
گذشتہ دنوں حکومت وقت نے سگریٹ نوشی پر سن ٹیکس کا آغاز کیا جو کہ اپنی جگہ پر احسن اقدام ہے اس کے ساتھ ہی ہیلتھ لیوی کا دائرہ ذرا وسیع ہے جس میں تمام اشیاء مضرہ کے اوپر ٹیکس لگا کر دو طرح کے فوائد حاصل کیے جاسکتے ہیں ۔ جہاں پر اشیاء مضرہ کا دائرہ چھوٹا ہوگا وہیں پر ٹیکس کی کولیکشن سے دیگر فلاحی پراجیکٹ پر بھی کام ممکن ہوگا ۔
تعلیمات اسلام
قرآن مجید فرقان حمید میں اللہ رب العزت نے اس بات کو واضح کردیا ہے ۔
ترجمہ : اے ایمان والوں اپنے ہاتھوں کو ہلاکت کی طرف مت ڈالو ۔
یعنی ایسی وہ تمام چیزیں جس سے انسان کو نقصان پہنچنے کا اندیشہ ہو اس کی طرف جانا ممنوع ہے ۔ اور اس کا ارتکاب کرنا خلاف شرع اور خلاف اسلام ہے ۔چنانچہ مملکت اسلامیہ ہونے کے تعلق سے پاکستان کے حکام کا فریضہ ہے کہ وہ عوام کو شعور و آگہی دے اور ہلاکت خیز چیزوں سے روکنے کے لیے ہیلتھ لیوی جیسے اقدامات کرے تاکہ پاکستان ایک فلاحی ریاست بنے ۔
پاکستان میں ہیلتھ لیوی کی ترغیب کے لیے ہونے والا کام
کرومیٹک کے پلیٹ فارم سے اس بات کو اٹھایا گیا ہے کہ ایسے اقدامات کئے جائیں جس سے پاکستان کو دو طرفہ فوائد حاصل ہوں اور ایک طرف اشیاء مہلکہ و مضرہ سے نجات ملے تو دوسری طرف فلاحی و مفید پراجیکٹ کا حصول اور ان کو چلانا ممکن ہوسکے ۔
نتائج بحث :
ہیلتھ لیوی ایک ایسا ٹیکس ہے جو اشیاء مضرہ پر لگایا جاتا ہے ۔
دیگر ممالک میں بھی اس کا اجراء ہوچکا ہے ۔
پاکستان میں سگریٹ نوشی اور شوگری اشیآء کے بڑھتے ہوئے رجحان کی وجہ سے ہیلتھ لیوی کا نفاذ ضروری ہے۔
ہیلتھ لیوی سے اشیاء مضرہ کی روک تھام ممکن ہے ۔
ہیلتھ لیوی سے حاصل ہونے والے پیسوں کو فلاحی کاموں پر لگایا جاسکتا ہے ۔
سفارشات و تجاویز :
ہیلتھ لیوی کا نفاذ وقت کی ضرورت ہے ۔
ہیلتھ لیوی کا نفاذ کرنا مملکت پاکستان کے مفاد میں ہے ۔
ہیلتھ لیوی ترجیحی بنیادوں پر ہو نافذالعمل ہونا چاہیے ۔
ہیلتھ لیوی وفاقی ، صوبائی و مقامی حکومتوں کے تعاون سے نافذ کیا جائے ۔
ہیلتھ لیوی پر قانون سازی ترجیحی بنیادوں پر کی جائے ۔
باغی ٹی وی اور کرومیٹک کے زیر اہتمام تحریری مقابلے میں عمر یوسف نےدوسری پوزیشن حاصل کی ہے
باغی ٹی وی تحریری مقابلہ،پوزیشن ہولڈرز میں انعام تقسیم
آل پاکستان قائداعظم میموریل برج ٹورنامنٹ کا آغاز،باغی ٹی وی کی ٹیم بھی شامل
بچوں کو اغوا کرنے والی گینگ کی خاتون باغی ٹی وی کے دفتر کے سامنے سے اہل محلہ نے پکڑ لی
”باغی ٹی وی”کاٹویٹراکاونٹ بلاک کرنےکی ٹویٹرکی دھمکیاں ناقابل قبول:بھارت نوازی بند کی جائے:طاہراشرفی
:وزیرخارجہ ٹویٹرکی طرف سے بھارتی ایما پردھمکیوں کا نوٹس لیں:باغی ٹی وی کا شاہ محمود قریشی کوخط
ٹویٹر کے غیر منصفانہ اقدام پر باغی کے ساتھ ہمدردیاں جاری رہیں گی ، عمار علی جان
