وزیراعظم کے داماد ہارون یوسف کی منی لانڈرنگ ریفرنس میں 12 جنوری تک ضمانت منظور
وزیراعظم کے داماد ہارون یوسف کی منی لانڈرنگ ریفرنس میں 12 جنوری تک ضمانت منظور ہوئی ہے جبکہ احتساب عدالت لاہور نے 5 لاکھ روپے مچلکوں کے عوض ہارون یوسف کی عبوری ضمانت منظور کی گئی ہے. علاوہ ازیں احتساب عدالت لاہور نے ہارون یوسف کو شامل تفتیش ہونے کا حکم دیتے ہوئے نیب سے رپورٹ بھی طلب کرلی ہے.
واضح رہے کہ گزشتہ سال دسمبر میں وزیراعظم میاں محمد شہباز شریف کے داماد ہارون یوسف عزیز کی حفاظتی ضمانت 25 ہزار روپے کے ضمانتی مچلکوں کے عوض منظور کی گئی تھی جبکہ ہارون یوسف عزیز اپنے وکیل امجد پرویز کے ہمراہ عدالت میں پیش ہوئے تھے ، جہاں حفاظتی ضمانت کی درخواست پر سماعت ہوئی تھی اور عدالت نے ملزم ہارون یوسف عزیز کو ضمانت منثظور کرتے ہوئے 14 روز میں متعلقہ عدالت میں پیش ہونے کا حکم دے دیا تھا.
مزید یہ بھی پڑھیں؛
مبشر لقمان کی دہائی، ابھی نہیں تو کبھی نہیں۔جنرل فیض بے نقاب،وائٹ پیپر،خطرے کی گھنٹیاں
ایران میں خواتین کیلئے گاڑیوں میں سر پر اسکارف لازمی پہننے کی وارننگ دوبارہ جاری
ملک بھرمیں گزشتہ 24 گھنٹے کےدوران کورونا سے دو اموات رپورٹ
متعدد ممالک کی چین سے آنیوالے مسافروں کیلئے شرط،چینی حکومت کا شدید ردعمل
برِ صغیر کی معروف علمی، ادبی اور سماجی شخصیت،عطیہ فیضی
جبکہ عدالت نے نیب کو اگلی سماعت پر پیش ہونے تک پٹیشنر کی گرفتاری سے روک دیا تھا. یاد رہے ملزم ہارون یوسف عزیز کے خلاف لاہور کی احتساب عدالت میں ریفرنس زیر سماعت ہے۔ جبکہ انہوں نے احتساب عدالت لاہور میں سرنڈر کرنے کے لیے اسلام آباد ہائی کورٹ میں حفاظتی ضمانت کی درخواست دائر کر رکھی تھی۔ اور آمدن سے زائد اثاثوں کے کیس میں لاہور کی احتساب عدالت نے ہارون یوسف عزیز کو اشتہاری قرار دے رکھا تھا۔
Leave a reply
