پہلے وزیراعلی اعتماد کا ووٹ لیں،خواتین اراکین اسمبلی کا بھی اجلاس میں مطالبہ
باغی ٹی وی کی رپورٹ کے مطابق پنجاب اسمبلی کا اجلاس سبطین خان کی زیر صدارت ہوا
پنجاب اسمبلی کے اجلاس میں اپوزیشن اراکین احتجاج کرتے ہوئے اسپیکر ڈائس کے سامنے آ گئے۔ اجلاس میں اپوزیشن نے شور شرابہ کیا اور،’اعتماد کا ووٹ لو’ کے نعرے لگائے، اپوزیشن کا مطالبہ حکومتی جماعت نے ماننے سے انکار دیا اور کہا کہ معاملہ عدالت میں ہے، مرزا جاوید ، عنیزہ فاطمہ اور میاں رئوف نے اپوزیشن اراکین سے سیٹوں پر بیٹھنے کی درخواست کی،پی ٹی آئی رکن سعدیہ سہیل رانا ، سیمابیہ طاہر اورثانیہ کامران بھی میدان میں آگئین، اپوزیشن اراکین کو کھری کھری سنا دیں،راحیلہ خادم حسین نے وقفہ سوالات میں بات کرنے سے انکار کر دیا، راحیلہ خادم حسین کا کہنا تھا کہ گورنر وزیراعلی پر عدم اعتماد کر چکے گزارش ہے کہ پہلے وزیراعلی اعتماد کا ووٹ لیں،سپیکر پنجاب اسمبلی کا کہنا تھا کہ حکومت نے اعتماد کا ووٹ لینا ہے ہائی کورٹ کو فیصلہ کرنے دیں، اگر اعتماد کا ووٹ نہیں لیں گے تو حکومت میں نہیں رہیں گے، عدم اعتماد کی تحریک لے آئیں فیصلہ ہوجائے گا ، اپوزیشن بنچوں سے ایک بار پھر ڈاکو ڈاکو کے نعرے، حکومتی اراکین کو بولنے نہیں دیا، سبطین خان نے رولنگ دی کہ اذان ہو رہی ہے اللہ کے خوف سے ڈریں ،
سردار شہاب الدین نے کہا کہ آج تیسرا دن ہے تینوں دن وقفہ سوالات نہیں ہو سکاہم پوری تیاری سے آتے ہیں اور صرف اجلاس کو خراب کرتے ہیں آج میں گزارش کروں گا ان کے خلاف ضابطہ کی کارروائی کی جائے یہ ایجنڈا پھاڑ دیتے ہیں نہ اللہ کو مانتے ہیں نہ اس کے کلام کو مانتے ہیں
ارشد ملک نے گفتگو کرتے ہوئے کہا کہ صوبے کی بد قسمتی ہے کہ سپیکر آئینی سربراہ کا حکم نہیں مان رہا میں کس کابینہ سے سوال کروں جس کو عدلیہ نے معطل کیا ہوا ہے ،طاہر پرویز نے کہا کہ آپ کس حیثیت سے بیٹھے ہوئے ہیں جو وزیر اعلیٰ اعتماد کھو دے اسے ہم نہیں مانتے
سپیکر پنجاب اسمبلی سبطین خان نے کہا کہ ہائیکورٹ میں کیس چل رہا ہے توہین عدالت نہ کریں تین دن سے عدالت میں کیس چل رہا ہے توہین عدالت نہ کریں ،ملک صہیب بھرت نے کہا کہ جناب اسپیکر میرا سوال نمبر 186 ہے تین دن میں یہاں پر ڈرامے بازی چل رہی ہے یہ نشستیں چھوڑ دیں ہماری حکومت ہے ،بلال اکبر خان نے گفتگو کرتے ہوئے کہا کہ آپ ہاؤس کے کسٹوڈین ہیں آپ تحریک انصاف کے نہ بنیں انہیں موقع دے رہے ہیں تو ہمیں بھی دیں اراکین کی عدم دلچسپی کے باعث وقفہ سوالات ختم کر دیا گیا
صوبائی وزیر پارلیمانی امور محمد بشارت راجہ نے مختلف محکموں کی آڈٹ رپورٹ ایوان میں پیش کر دیں اپوزیشن کی جانب سے شور شرابہ جاری دس محکموں کی آڈٹ رپورٹس ایوان میں پیش کی گئیں ہیں پنجاب اسمبلی کے ایوان میں سرکاری کارروائی کے دوران آڈٹ رپورٹس ایوان میں پیش کر دی گئیں،ون ونڈو سیل، لاہور ڈویلپمنٹ اتھارٹی، ہائوسنگ اربن ڈویلپمنٹ اینڈ پبلک ہیلتھ انجینرنگ ڈیپارٹمنٹ حکومت پنجاب کی کارکردگی آڈٹ رپورٹ ، برائے سال 2016-17 ایوان میں پیش کی گئیں،نماز مغرب کے لیے اجلاس میں آدھے گھنٹے کا وقفہ کر دیا گیا
تحریک انصاف کا پنجاب اسمبلی سے بھی استعفوں پرغور
وزیر داخلہ رانا ثناء اللہ کا کہنا تھا کہ ہائوس میں جانے سے کسی کو بھی اندر جانےسے روکا جا سکتا،
گیٹ پر سکیورٹی اسٹاف اور اسمبلی ارکان کے درمیان دھکم پیل ہوئی
عثمان بزدار کے گرد گھیرا تنگ،مبشر لقمان نے بطور وزیر بیورو کریسی کیلئے کیسے سٹینڈ لیا تھا؟ بتا دیا
پنجاب میں سال 2022 کے دوران سیاسی کشیدگی عروج پر رہی،
