سپریم کورٹ نے لیہ کی زمین کا کیس فریقین راولپنڈی میں ہونے کی بنیاد پر منتقل کرنے کی استدعا مسترد کر دی
دوران سماعت چیف جسٹس عمر عطا بندیال نے ریمارکس دیتے ہوئے کہا کہ کسی فرد کی سہولت کیلئے قانون تبدیل نہیں ہو سکتا، قانون سب کیلئے برابر ہے،طاہرہ کلیم نے استدعا کی کہ بھائی کے ساتھ لیہ کی زمین کا تنازعہ ہے سب راولپنڈی میں رہتے ہیں مقدمہ یہاں منتقل کردیں،لیہ بہت دور ہے کوئی ایئرپورٹ نہیں بہت ویران راستہ ہے ہر تاریخ پر جانا ممکن نہیں، چیف جسٹس عمر عطا بندیال نے ریمارکس دیتے ہوئے کہا کہ میں خود تھل کا ہوں لیہ میں اتنے حالات خراب نہیں جتنے آپ بتارہی ہیں،
جسٹس اطہرمن اللہ نے ریمارکس دیتے ہوئے کہا کہ فریقین کی سہولت کیلئے ان کے گھر کے پاس مقدمات منتقل کرنا شروع کردیئے تو نیا پینڈورا باکس کھل جائے گا،سول قانون میں واضح لکھا ہے کہ جس جگہ پراپرٹی کا تنازعہ ہوگا مقدمہ وہیں چلے گا، پارلیمنٹ نے قانون بنادیا عدالت قانون تبدیل نہیں کرسکتی، سول مقدمہ ہے ہر تاریخ پر فریقین کا جانا ضروری نہیں ہوتا،چیف جسٹس عمر عطا بندیال نے ریمارکس دیتے ہوئے کہا کہ اگر فریقین چاہیں تو ویڈیو لنک کے ذریعے عدالتی کاروائی کا حصہ بن سکتے ہیں،چیف جسٹس پاکستان کی سربراہی میں تین رکنی بنچ نے سماعت کی
دوسری جانب سپریم کورٹ نے شہری کو غیر قانونی حراست میں رکھنے پر پنجاب پولیس کے افسر کی برطرفی درست قراردے دی،سپریم کورٹ نے سی آئی اے لاہور پولیس کے افسر لیاقت علی کی برطرفی کیخلاف اپیل مسترد کردی ، چیف جسٹس عمر عطا بندیال نے ریمارکس دیتے ہوئے کہا کہ پولیس افسر کا شہری کو 3 دن تک غیر قانونی حراست میں رکھنا مس کنڈکٹ ہے، پولیس افسر کے خلاف محکمہ نے انکوائری کی اور مس کنڈکٹ کا ذمہ دار قرار دیا،عدالت پولیس انکوائری میں مداخلت نہیں کرسکتی،
دھویں دار مخبریاں، عمران خان نے اپنا کباڑہ کر لیا، نواز شریف کیلیے بری خبر
اہم پوسٹوں پر سیاسی مداخلت ناقابل برداشت ہے،چیف جسٹس لاہور ہائیکورٹ کے ریمارکس
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
سپریم کورٹ،محکمہ پولیس میں سیاسی مداخلت سے تبادلے،آٹھ سالوں کا ریکارڈ طلب
