مظفرآباد، آزاد کشمیر قانون ساز اسمبلی کا اجلاس آج دو بجے ہو گا
قانون ساز اسمبلی کے اجلاس کی صدارت اسپیکر قانون ساز اسمبلی انوارالحق کریں گے ،آج ہی نئے قائد ایوان کا انتخاب متوقع ہے،سیکرٹری قانون ساز ابلی نئے قائد ایوان کے انتخاب کا شیڈول جاری کریں گے اپوزیشن اپنا قائد ایوان لانے کے لیے پرعزم ہے،تحریک انصاف اپنی پارٹی کی وزارت بچانے کے لیے پرعزم ہے کسی پارٹی نے اپنے امید وار کا نام اب تک سامنے نہیں لایا گیا ،تحریک انصاف کے معاملات دیکھنے کے لیے اسپیکر قومی اسمبلی اور سابق وزیراعظم دفاع پرویز خٹک گزشتہ رات مظفرآباد موجود ہیں
ایوان میں ارکان کی تعداد 52 ہے،جن میں 32 حکومتی اتحاد اور 20 اپوزیشن کے ارکان ہیں۔ سادہ اکثریت کے لیے 27 ارکان کی حمایت درکار ہوگی، متحدہ اپوزیشن اپنا وزیراعظم لانے کی بھرپور کوشش کر رہی ہے نئے قائد ایوان کیلئے جوڑ توڑ کا سلسلہ شروع ہو گیا آزادکشمیر قانون ساز اسمبلی میں تینوں اتحادی جماعتوں پیپلزپارٹی، مسلم لیگ ن اور جموں کشمیر پیپلز پارٹی کو اپنا قائد ایوان بنانے کیلئے 7 مزید نشستوں کی ضرورت ہے کاغذات نامزدگی منظور ہونے کے بعد ایوان میں اوپن ووٹنگ ہوگی کامیاب اور ناکام ہونیوالے امیدوار کا اعلان سپیکر اسمبلی کریں گے
آزاد جموں و کشمیر میں عدالتی فیصلے کے بعد حکومت سازی کا معاملہ ،پاکستان تحریک انصاف نے آزاد جموں و کشمیر میں ایک مرتبہ پھر حکومت سازی کیلئے تیاریاں مکمل کرلیں مرکزی سیکرٹری جنرل اسد عمر نے آزاد جموں و کشمیر میں حکومت سازی کے حوالے سے اہم بیان جاری کرتے ہوئے کہا ہے کہ پاکستان تحریک انصاف بلحاظ نمائندگی آزاد جموں و کشمیر کی سب سے بڑی جماعت ہے، عدالتی فیصلے کے بعد بھی حکومت انشاءاللہ تحریک انصاف ہی بنائے گی،آزاد جموں و کشمیر میں حکومت سازی کے حوالے سے اہم امور پر مشاورتی عمل مکمل کرلیا گیا ہے پارلیمانی پارٹی سے جامع مشاورت اور حکمتِ عملی کی تیاری کے حوالے سے پرویز خٹک مظفر آباد میں موجود ہیں، آزاد جموں و کشمیر کی وزارتِ عظمیٰ کیلئے چیئرمین عمران خان کی حتمی منظوری سے جلد امیدوار کا اعلان کریں گے آزاد جموں و کشمیر کی صورتحال کو سازشی تھیوریوں سے جوڑنے والوں کو یہاں بھی شدید مایوسی ہی کا سامنا کرنا ہوگاتحریک انصاف ہی حکومت بنائے گی، اور آزاد جموں و کشمیر کے عوام کی فلاح و ترقی کا ایجنڈا آگے بڑھائے گی
قبل ازیں مظفر آباد ہائی کورٹ نے سردار تنویر الیاس کو عہدے سے ہٹا دیا۔ ہائی کورٹ کے فل کورٹ نے وزیراعظم آزاد جموں و کشمیر سردار تنویر الیاس کو ڈس کوالیفائی کردیا ،سردار تنویر الیاس کو توہین عدالت پر نااہل قرار دیا گیا،۔ ہائی کورٹ نے توہین عدالت کیس میں ان کی معافی کی درخواست قبول نہیں کی ، سردار تنویر الیاس کو عدالت برخاست ہونے تک سزا سنائی گئی،عدالت نے تنویر الیاس کو کسی بھی پبلک عہدے کے لیے نا اہل قرار دیا عدالت نے نئے وزیراعظم آزاد کشمیر کے انتخاب کے لیے چیف الیکشن کمشنر کو بھی حکم جاری کردیا
سردار تنویر الیاس کی نااہلی ، غفلت ، غیر سنجیدگی اور ناتجربہ کاری کھل کر سامنے آگئی
عمران خان کا مظفر آباد جلسہ،وزیراعظم آزاد کشمیر کی کرسی خطرے میں
،وزیر اعظم آزاد کشمیر کو اگر بلایا نہیں گیا تو انہیں جانا نہیں چاہیے تھا،
تنویر الیاس کے بیٹے کا آزاد کشمیر پولیس و مسلح ملزمان کے ہمراہ سینٹورس پر دھاوا، مقدمہ درج
تنویر الیاس نے سپریم کورٹ میں دائر اپیل میں خود کو” وزیراعظم” لکھ دیا،اپیل خارج
