8 کاروائیوں میں 394 کلو سے زائد منشیات برآمد، 5 ملزمان گرفتار

اینٹی نارکوٹکس فورس کی منشیات کے خلاف اہم کاروائیاں جاری ہیں

اے این ایف نے 8 کاروائیوں میں 394 کلو سے زائد منشیات برآمد کر کے 5 ملزمان گرفتار کر لئے،اسلام آباد انٹرنیشنل ائیرپورٹ پر پرواز نمبر 187کے ذریعے بحرین جانے والا پشاور کا رہائشی ملزم گرفتار کر لیا گیا،ملزم نے 838 گرام ہیروئن ٹرالی بیگ میں چھپائی ہوئی تھی۔ رنگ روڈ پشاور کے قریب گاڑی میں موجود الماری میں چھپائی گئی 180کلو افیون اور 192 کلو چرس برآمد کی گئی، برآمدہ منشیات پشاور سے پنجاب سمگل کی جانی تھی۔ راولپنڈی کا رہائشی مُلزم گرفتار کیا گیا،باچہ خان انٹرنیشنل ایئرپورٹ پر پرواز نمبر PK-257 کے ذریعے شارجہ جانے والے خیبر کے رہائشی ملزم کے پیٹ سے 81 منشیات بھرے کیپسولز برآمد کئے گئے، برآمدہ کیپسولز میں سے ہیروئن اور آئس برآمد ہوئی ۔

بورڈ بازار یونیورسٹی روڈ پشاور کے قریب ایک لاوارث گاڑی کی ڈِگی میں چھپائی گئی 9 کلو 600 گرام چرس برآمد کی گئی، حویلیاں انٹرچینج ایبٹ آباد کے قریب گاڑی میں موجود خفیہ خانوں میں چھپائی گئی 5کلو چرس برآمد کی گئی،برآمدہ منشیات پشاور سے مانسہرہ سمگل کی جانی تھی۔کوہستان کا رہائشی مُلزم گرفتار کیا گیا، فیصل آباد میں واقع کوریئر آفس سے مردانہ کپڑوں کے ڈبوں پر مشتمل 10عدد پارسلز سے 1کلو 30گرام ہیروئن برآمد کی گئی، مذکورہ پارسلز کویت بھیجے جانے تھے۔ مٹیاری حیدرآباد کے قریب ریلوے سٹیشن پر کھڑی ایک لاوارث موٹر سائیکل میں چھپائی گئی 5کلو چرس برآمد کی گئی، پاک افغان بارڈر چمن پر کوئٹہ کے رہائشی ملزم سے47900 عدد نشہ آور گولیاں برآمد کی گئیں، تمام ملزمان کے خلاف انسدادِمنشیات ایکٹ کے تحت مقدمات درج کر کے مذید تحقیقات کا آغاز کر دیا گیا ہے۔

سعودی عرب نے اسٹیٹ آف پاکستان میں 2 ارب ڈالر ڈپازٹ کردیئے،اسحاق ڈار
سرکاری ملازمین کا دوسرے روز بھی مطالبات کی منظوری کے لئے احتجاج
پیپلز پارٹی کی حکومت نے شہر میں امن و امان بحال کیا،وزیراعلیٰ سندھ
چیئرمین پی ٹی آئی جیسا ڈکٹیٹر ملکی تاریخ میں پیدا نہیں ہوا، شرجیل میمن
موسم گرما میں حاملہ خواتین کے لئے قدرتی مشروبات
سویڈن میں اسلام دشمن سرگرمی پر جنرل ہسپتال میں ہیلتھ پروفیشنلز کی احتجاجی ریلی
کویت کا سویڈش زبان میں قرآن کریم کے ایک لاکھ نسخے شائع کرنے کا اعلان