نگراں وزیر خارجہ جلیل عباس جیلانی کا کہنا ہے کہ انتخابات آئینی مدت کے اندر ہی ہوں گے اور ہم غیر سیاسی ہیں لہذا سیاست میں مداخلت نہیں کریں گے اور ہم عالمی سطح پر پاور پالیٹکس کا حصہ نہیں بنیں گے جبکہ نگراں وزیر خارجہ کا میڈیا سے غیر رسمی گفتگو کرتے ہوئے کہنا تھا کہ الیکشن کرانا نگراں حکومت کا نہیں الیکشن کمیشن کا کام ہے اور کوئی شک نہیں یہ مختصر مدت کی نگراں حکومت ہے، ہم اپنے دائرہ میں رہ کر بہت سے کام کر سکتے ہیں۔
علاوہ ازیں انہوں نے کہا کہ افغان حکومت نے پاکستان میں دہشت گردی کے بعض ذمہ داروں کو گرفتار کیا ہے جبکہ انہوں نے یہ بھی بتایا کہ امریکی انڈر سکرٹری سے انتخابات بروقت کرانے پر بات ہوئی تھی اور امریکا نے کسی ملک سے تجارتی تعلقات منقطع کرنے کا مطالبہ نہیں کیا لہذا امریکا کے ساتھ تعلقات اور تعاون بہت مضبوط ہے۔
جبکہ ان کا مزید کہنا تھا کہ بھارت سے مذاکرات صرف اصولوں کی بنیاد پر ہوسکتے ہیں، بھارتی دہشت گردی کے ہمارے پاس مضبوط شواہد ہیں۔ امید ہے بھارت پاکستان ٹیم کو مکمل سیکیورٹی فراہم کرے گا، بھارت نے کوئی منفی فیصلہ کیا تو عالمی برادری کو مایوسی ہوگی۔
مزید یہ بھی پڑھیں؛
چندریان تھری کا لینڈر موڈیول ڈیزائن کرنے کا دعویٰ کرنیوالا جعلی سائنسدان گرفتار
ایشیا کپ ،پاکستان کا نیپال کے خلاف ٹاس جیت کر بیٹنگ کا فیصلہ
سائفر کیس،شاہ محمود قریشی کو جوڈیشل ریمانڈ پر بھیج دیا گیا
خیال رہے کہ جلیل عباس جیلانی نے کہا کہ کرکٹ ورلڈ کپ ایک عالمی ایونٹ ہے، بھارت کے ساتھ تعلقات کی نوعیت تبدیل نہیں ہوئی پے لہذا مسئلہ کشمیر یو این قرار دادوں کے مطابق حل طلب ہے، 5 اگست 2019 کو بھارت نے غیرقانونی اقدامات کئے، بھارت سندھ طاس معاہدہ کی خلاف ورزیاں کرچکا ہے۔
