مالی فراڈ میں ملوث گینگ کے چار غیرملکی باشندے گرفتار

سائبر کرائم سرکل اسلام آباد نے کارروائی کرتے ہوئے مالی فراڈ میں ملوث گینگ کے 5 ملزمان کو گرفتار کر لیا۔

گرفتار ملزمان میں سے 4 کا تعلق نائیجریا سے ہے ،گرفتار ملزمان میں ایڈی ازوبکے، ڈوناٹس چیبیکئو، جیوفرے اموبی، اونیوبسی انتھونی اور محمد تسلیم شامل ہیں، ملزمان کو شمس کالونی اسلام آباد سے گرفتار کیا گیا ،گرفتار ملزمان فیس بک کے ذریعے تحائف کا جھانسہ دے کر عام شہریوں سے پیسے ہتھیاتے تھے۔ملزمان خود کو مختلف بیرون ممالک کے خاتون شہری ظاہر کرتے ہوئے اپنے جال میں پھنساتے تھے۔ملزمان تحائف کا لالچ دے کر رابطہ کرتے اور کسٹم، ڈلیوری چارجز کے نام پر پیسے بٹورتے تھے۔ملزمان نے شکایت کنندہ سے 13 لاکھ روپے سے زائد پیسے ہتھیائے۔ملزمان نے مذکورہ رقم مختلف بینک اکاونٹس میں منگوائی۔ملزمان تحائف کی وصولی کے لئے مزید رقم کا تقاضہ بھی کر رہے تھے۔ملزمان کے قبضے سے 4 موبائل فونز برآمد کر لئے گئے۔ملزمان کے خلاف پیکا ایکٹ کے تحت مقدمہ درج کر لیا گیا۔

بیس ہزار کے عوض خاتون نے ایک ماہ کی بیٹی کو فروخت کیا تو اس کے ساتھ کیا ہوا؟

بھارت ، سال کے ابتدائی چار ماہ میں کی 808 کسانوں نے خودکشی

سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات

سائبر کرائم ونگ کی کاروائی، چائلڈ پورنوگرافی میں ملوث تین ملزمان گرفتار

سپریم کورٹ کا سوشل میڈیا اور یوٹیوب پر قابل اعتراض مواد کا نوٹس،ہمارے خاندانوں کو نہیں بخشا جاتا،جسٹس قاضی امین

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

سائبر کرائم کا شکار ہونے والی خواتین خودکشی کی طرف مائل ہو جاتی ہیں،انکشاف

ایک اور کارروائی میں جعلی پولیس اہلکار بن کر عوام کو لوٹنے والا دو رکنی گروہ گرفتار کر لیا گیا۔ملزم حیدر علی اور علی رضا کو اسلام آباد سے گرفتار کیا گیا۔ملزمان نے شکایت کنندہ کو جعلی گرفتاری کے حوالے سے آگاہ کرتے ہوئے رہائی کے لئے پیسے بٹورے۔ملزمان اپنے جھانسے میں پھنسانے کے لئے کال کے دوران وائرلیس کی ریکارڈنگ کا بھی استعمال کرتے تھے۔ ملزمان سے برآمد ہونے والے موبائل فونز کو قبضے میں لے لیا گیا۔ ملزمان کے خلاف پیکا ایکٹ کے تحت مقدمات درج کر لیے گئے۔مزید تفتیش جاری ہے۔