![ispr](https://baaghitv.com/wp-content/uploads/2023/10/ispr-army-905x445.png)
دہشت گردوں کے خلاف پاک فوج کا آپریشن جاری ہے، صوبہ خیبر پختونخوا میں 3 مختلف آپریشنز کے دوران 5 دہشت گرد جہنم واصل ہو گئے ہیں
ڈی جی آئی ایس پی آر کے مطابق خٰبر پختونخوا میں دہشت گردوں کے خلاف سیکورٹی فورسز نے 28 اور 29 جولائی کو آپریشنز کئے،سکیورٹی فورسز نے مہمند میں انٹیلی جنس بیسڈ مشترکہ آپریشن کیا جس میں فتنہ الخوارج کے دہشت گرد قاری سمیت 3 دہشت گردجہنم واصل ہوئے، اس دوران دہشت گردوں کے ٹھکانے کو تباہ کیا گیا ، ٹھکانے سے اسلحہ،گولہ بارود بھی برآمد ہوا ہے،اس آپریشن کے دوران کے پی پولیس کے اہلکار ابرار حسین نے جام شہادت نوش کیا،
ڈی جی آئی ایس پی آر کے مطابق سکیورٹی فورسز نے دوسری کارروائی ڈیرہ اسماعیل خان میں کی اور دہشت گردوں کے ٹھکانے کو مؤثر طریقے سے نشانہ بنایا ،اس آپریشن کے دوران فتنہ الخوارج کا دہشت گرد صفت اللہ عرف ملا منصور جہنم واصل اور 3 دہشت گرد زخمی ہوئے، ہلاک دہشت گرد صفت اللہ قانون نافذ کرنے والے اداروں کو انتہائی مطلوب تھا، وہ 12 دسمبر 2023 کو درابن میں خودکش حملے کی سہولت کاری اور علاقے میں دہشت گردی کی متعدد کارروائیوں میں ملوث تھا۔
سکیورٹی فورسز نے تیسری کارروائی شمالی وزیرستان میں کی اور فتنہ الخوارج کے ایک دہشت گرد کو جہنم واصل کیا،ڈی جی آئی ایس پی آر کے مطابق سیکیورٹی فورسز امن و استحکام کیلئے قانون نافذ کرنے والے اداروں کے ساتھ کھڑی ہیں، بہادر جوانوں کی قربانیاں ہمارے عزم کو مزید مضبوط کرتی ہیں
دھشتگرد وطن کے دفاع کیلئے پر عزم افسران و جوانوں سے بچ نہیں سکتے.وزیراعظم
وزیراعظم شہبازشریف نے خیبر پختونخوا میں تین مختلف مقامات پر سیکیورٹی فورسز کی جانب سے دھشتگردوں کے خلاف کامیاب آپریشن پر افسران و اہلکاروں کی پزیرائی کی اور کہا کہ خیبر پختونخوا میں سیکیورٹی فورسز نے مہمند، ڈیرہ اسماعیل خان اور شمالی وزیرِ ستان میں بہادری سے لڑتے ہوئے 5 خارجی دھشتگردوں کو جہنم واصل کیا.وزیرِ اعظم نے مہمند میں فتنہ الخوارج کے دھشتگردوں سے لڑتے ہوئے صوابی سے تعلق رکھنے والے پولیس کانسٹیبل ابرار حسین کی شہادت پر انہیں خراج عقیدت پیش کیا، وزیرِ اعظم نے شہید کی بلندیِ درجات اور ان کے اہلِ خانہ کیلئے صبر جمیل کی دعا کی اور کہا کہ سیکیورٹی فورسز کے مشترکہ آپریشن نے یہ ثابت کیا کہ دھشتگرد وطن کے دفاع کیلئے پر عزم افسران و جوانوں سے بچ نہیں سکتے.دھشتگردی کی عفریت کے ملک سے مکمل طور پر خاتمے تک پاکستانی قوم اپنی سیکیورٹی فورسز کے شانہ بشانہ کھڑی ہے.مجھ سمیت پوری قوم سیکیورٹی فورسز کے دفاعِ وطن کیلئے غیر متزلزل عزم پر انہیں خراجِ تحسین پیش کرتی ہے.
بنوں،دہشتگردانہ حملے میں آٹھ جوان شہید،دس دہشتگرد جہنم واصل
ژوب،ایک ماہ میں 29 دہشت گرد جہنم واصل
بلوچستان انٹیلی جنس بیسڈ آپریشن ،میجر بابر خان شہید ، 3 دہشت گرد جہنم واصل
خیبرپختونخوا، سیکورٹی فورسز کی کاروائی، 11 دہشتگرد جہنم واصل
کراچی ،غیر ملکیوں کی گاڑی پر خود کش حملہ،دو جاں بحق،حملہ آور ساتھی سمیت جہنم واصل
بونیر،سیکورٹی فورسز کا آپریشن،دہشتگردوں کا سرغنہ جہنم واصل،دو جوان شہید
ڈی آئی خان، سیکورٹی فورسز کا آپریشن، 8 دہشتگرد جہنم واصل
ڈی آئی خان ،دھماکے میں دو جوان شہید،پنجگور،ایک دہشتگرد جہنم واصل
شمالی وزیرستان، دہشتگردوں کیخلاف آپریشن،کمانڈر سمیت 8 جہنم واصل
شمالی وزیرستان ، چوکی پر حملہ، لیفٹیننٹ کرنل اور کیپٹن سمیت 7 جوان شہید