گلشن اقبال میں کار پر فائرنگ، ڈاکٹر قتل،یہ ڈاکٹر کون تھے اور کس نے قتل کیا ؟ خبر سے ہلچل مچ گئی

کراچی: کراچی میں پھر دہشت گردی سر اٹھنے لگی ، اطلاعات کے مطابق شہر قائد کے علاقے گلشن اقبال کے ڈی اے مارکیٹ کے قریب نامعلوم مسلح ملزمان نے کار پر فائرنگ کرکے ڈاکٹر کو قتل کردیا۔

پولیس کے مطابق دو ملزمان موٹر سائیکل پر آئے اور ڈاکٹر عسکری کو رکنے کا اشارہ کیا لیکن انہوں نے گاڑی دوڑا دی جس کے بعد ملزمان کی فائرنگ کی، ایک گولی ان کے کندھے پر لگی جو جان لیوا ثابت ہوئی، مقتول سندھ گورنمنٹ اسپتال کورنگی میں تعینات تھے۔

پولیس کے مطابق ڈاکٹر سید عسکری کو آج دوپہر ان کی رہائشگاہ کے قریب قتل کیا گیا ہے، جائے وقوعہ سے نائن ایم ایم پستول کا ایک خول برآمد کرلیا گیا ہے۔پولیس کے مطابق ڈاکٹر سید عسکری کو مارنے والے کسی انتہا پسند مذہبی گروہ سے ہوسکتے ہیں