یورپ میں کرونا وائرس کی نئی لہر شروع ہورہی ہے:امیدیں دم توڑگئیں : برطانوی وزیر صحت

لندن :یورپ میں کرونا وائرس کی نئی لہر شروع ہورہی ہے:امیدیں دم توڑگئیں :اطلاعات کےمطابق برطانوی وزیر صحت میٹ ہینکوک کا کہنا ہے کہ انہیں یورپ میں کرونا وائرس کی وباء کی دوسری لہر کا خدشہ ہے اور برطانوی حکومت عوام کو محفوظ رکھنے کے لئے قرنطینہ کے فیصلے دہرانے سے نہیں گھبرائے گی۔

برطانوی وزیر نے ایک مقامی ٹی وی سے بات کرتے ہوئے کہا کہ "میں کرونا کی دوسری لہر کے بارے میں پریشان ہوں۔ میرے خیال میں یورپ میں کرونا کے متاثرین کی ایک نئی لہر سامنے آرہی ہے اور ہمیں اس سے بچنے کے لئے ہر ممکن اقدامات اٹھانا ہوں گے۔”

ان کا مزید کہنا تھا کہ”ہمیں یورپ میں شروع ہونے والی نئی کرونا لہر کے حوالے سے خدشات ہیں۔ اور یہ لہر صرف اسپین ہی نہیں بلکہ دیگر ممالک نے بھی دیکھنے میں آرہی ہے۔ ہم اس ملک کو محفوظ رکھنے کے لئے ہر ممکن اقدامات اٹھائیں گے۔