عالمی رہنماؤں نے یقین دلایا کہ پورے اخلاص کے ساتھ پاکستان کی مدد کی جائے گی،وزیراعظم

وزیراعظم کی زیر صدارت سیلاب زدہ علاقوں میں امدادی کاموں کے حوالے سے اجلاس،وزیراعظم نے لندن سے بذریعہ ویڈیو لنک بحالی کے کاموں کا جائزہ لینے کیلئے اجلاس کی صدارت کی-

باغی ٹی وی: وزیراعظم شہباز شریف کی زیر صدارت ہونے والے اجلاس میں این ایف آر سی سی حکام نے سیلاب زدہ علاقوں میں بحالی کے کاموں پر بریفنگ دی۔

حکومتِ سندھ سیلاب متاثرین کی امداد کیلئے اپنی انتھک کاوشیں جاری رکھے گی: آصفہ بھٹو

اجلاس سے خطاب کرتے ہوئے شہباز شریف کا کہنا تھا کہ یو این سیکریٹری جنرل انتونیو گوتریس سمیت اہم لیڈر شپ سے ملاقاتیں ہوئیں حکومت کی امدادی کارروائیوں اور بحالی کی کوششوں کے بارے میں آگاہ کیا، یو این سیکرٹری جنرل نے یقین دلایا ہےکہ سیلاب زدگان کی بحالی کے لیے ڈونرز کانفرنس کرائی جائے گی –

وزیراعظم نے سعودی ولی عہد محمد بن سلمان سے ٹیلیفونک گفتگو کا بھی ذکر کیا کہا کہ سعودی ولی عہد محمد بن سلمان سے بھی ٹیلیفونک گفتگو ہوئی جبکہ بل گیٹس سے ملاقات میں سیلاب زدہ علاقوں میں بچوں کی خوراک کے معاملات پر بات ہوئی۔

وقت آ گیا ہے کہ کسی نتیجے پر پہنچا جائے،عارف علوی

وزیراعظم نے بتایا کہ عالمی لیڈرز کو موسمیاتی تبدیلی کے پاکستان پر اثرات،پاکستان کے نقطہ نظر سے آگاہ کیا،عالمی لیڈرز نے سیلاب سے ہونے والے نقصانات پر ہمدردی اور تعزیت کا اظہار کیا، عالمی رہنماؤں نے یقین دلایا کہ پورے اخلاص کے ساتھ پاکستان کی مدد کی جائے گی۔

وزیراعظم کا کہنا تھا کہ عالمی برادری اور پاکستانی اداروں کی کوششوں سے ہم انشاءاللہ اس مشکل سے نکل آئیں گے۔

ہمیں تعمیر نو اور بحالی کے لیے بہت زیادہ فنڈز کی ضرورت ہے،بلاول بھٹو