اداکارہ جیا علی نے ایک بڑے بزنس مین سے شادی کرلی

لاہور:اداکارہ جیا علی نے ایک بڑے بزنس مین سے شادی کرلی ،اطلاعات کے مطابق معروف اداکارہ جیا علی بزنس مین عمران ادریس کے ہمراہ رشتہ ازدواج میں منسلک ہوگئیں۔

اداکارہ کی شادی کے حوالے سے پھیلنے والی خبروں میں بتایا گیا ہے کہ اداکارہ جیا علی اور ہانگ کانگ میں مقیم پاکستانی بزنس مین عمران ادریس کی نکاح کی تصاویر گردش کرتی رہیں۔

وائرل تصاویر میں اداکارہ کو نکاح نامے پر دستخط کرتے بھی دیکھا جاسکتا ہے جب کہ دیگر تصاویر میں جیا علی کو عمران ادریس کے ہمراہ عروسی لباس میں مسجد کے باہر کھڑے دیکھا جاسکتا ہے۔

اداکارہ نے اپنے نکاح کے روز وائٹ اور گولڈن رنگ سےمزین خوبصورت غرارہ زیب تن کیا جب کہ ان کے شوہر کو گولڈن شیروانی پہنے دیکھا گیا۔میڈیا رپورٹس کے مطابق انہوں نے 48برس کی عمر میں شادی کی۔