مرحوم امریکی خاتون کی جائیداد پر قبضہ، 2 نادرا ملازمین اور سابق کونسلر کو سزا

کراچی کی ایف آئی اے کی اسپیشل کورٹ نے مرحوم امریکی خاتون کے شجرہ نسب میں جعل سازی کر کے جائیداد پر قبضے کے کیس میں نادرا کے 2 ملازمین اور سابق یو سی کونسلر کے خلاف فیصلہ سنا دیا۔

ایف آئی اے اسپیشل کورٹ کراچی نے تینوں ملزمان محمد بابر لودھی، محمد شعبان اور محمد حنیف کو ایک، ایک سال قید کی سزا سنا دی۔ایف آئی اے کے مطابق ملزمان نےجائیداد پر قبضے کے لیے شجرہ نسب میں جعلی اندراج کرایا تھا۔

ایف آئی اے کا کہنا ہے کہ مرحومہ کے شجرہ نسب میں جعل سازی سے کسی اورخاتون کو شامل کیا گیا۔ملزمان کو ایف آئی اے کے انسدادِ انسانی اسمگلنگ سرکل نے گرفتار کیا تھا۔