سابق صدر پاکستان رفیق تارڑ کی نماز جنازہ ادا
سابق صدر پاکستان رفیق تارڑ کی نماز جنازہ ادا کر دی گئی رفیق تارڑ کی نماز جنازہ جامعہ اشرفیہ میں ادا کی گئی،نماز جنازہ میں سیاسی و سماجی رہنماؤں نے شرکت کی،
پاکستان کے سابق صدر رفیق تارڑ وفات پا گئے ہیں، انا للہ وانا الیہ راجعون ،مسلم لیگ کے رہنما عطااللہ تارڑ نے اپنی ٹویٹ میں سابق صدر کے انتقال کی تصدیق کی ہے اور کہا ہے کہ میرے دادا جان محمد رفیق تارڑ رضائے الٰہی سے انتقال کر گئے ہیں
میرے دادا جان محمد رفیق تارڑ رضائے الٰہی سے انتقال کر گئے ہیں۔
انا للہ وانا اليہ راجعون
— Attaullah Tarar (@TararAttaullah) March 7, 2022
رفیق تارڑ عرصہ دراز سے علیل تھے ان کو آج صبح دل کی تکلیف ہوئی جس کے بعد انہیں اسپتال لے جایا گیا لیکن وہ جانبر نہ ہو سکے اور انکی موت ہو گئی،سابق صدر کی عمر 92 برس تھی، رفیق تارڑ پاکستان کے 1998 سے 2001 تک صدر رہ چکے ہیں رفیق تارڑ لاہور ہائیکورٹ کے 1989 سے 1991 تک چیف جسٹس بھی رہ چکے ہیں محمد رفیق تارڑ 1997 سپریم کورٹ کے جج کے طور پر ریٹائر ہونے کے بعد پاکستان مسلم لیگ ن کے ٹکٹ پر سینیٹ کے رکن منتخب ہوئے اور پھر اسی سال ملک کے صدر بنے.
رفیق تارڑ کے دور میں صدر کے اختیارات کو بتدریج کم کیا گیا اور بالآخر تیرھویں ترمیم کے ذریعے صدر کے اختیارات میں آئین کی روح کے مطابق مکمل طور پر کمی کر دی گئی 1999 میں جنرل پرویز مشرف کی طرف سے نواز شریف کی حکومت کی برطرفی کے بعد انہیں عہدے سے نہیں ہٹایا گیا،
سابق صدر کی دوسری نماز جنازہ ان کے آبائی علاقےگکھڑ میں بعد نماز عشاء پرانی عید گاہ،پیر کوٹ روڈ پر 8:30 ادا کی جائے گی
https://twitter.com/RanaRiz37776826/status/1500811162564591619
ڈی جی آئی ایس پی آر کے مطابق آرمی چیف جنرل قمر جاوید باجوہ نے سابق صدررفیق تارڑ کے انتقال پراظہار افسوس کیا ہے ،آرمی چیف جنرل قمرجاوید باجوہ نے سابق صدر کے اہلخانہ سے تعزیت کی اور کہا ہے کہ اللہ تعالیٰ سابق صدررفیق تارڑ کوجوار رحمت میں جگہ عطا فرمائے، ڈی جی آئی ایس پی آر کے مطابق آرمی چیف جنرل قمر جاوید باجوہ کا کہنا تھا کہ اللہ سابق صدررفیق تارڑ کے خاندان کو ناقابل تلافی نقصان برداشت کرنے کی ہمت عطا کرے ،آمین،
https://twitter.com/RanaRiz37776826/status/1500805618588065799
سربراہ پاک فضائیہ ائیر چیف مارشل ظہیر احمد بابر سدھو نے پاکستان کے سابق صدر اور سپریم کورٹ کے جج جناب محمد رفیق تارڑ کے انتقال پر گہرے رنج و غم کا اظہار کیا۔ ائیرچیف نے اپنے تعزیتی پیغام میں مرحوم کے ایصال ثواب اور ان کے خاندان کو یہ دکھ صبر و ہمت سے برداشت کرنے کی توفیق کی دعا کی۔
وزیر اعظم عمران خان نے سابق صدر رفیق تارڑ کے انتقال پر افسوس اور دکھ کا اظہار کیا ہے وزیراعظم عمران خان نے تعزیت کا اظہار کرتے ہوئے کہا ہے کہ اللہ تعالیٰ مرحوم کی مغفرت فرمائے اور انہیں جنت الفردوس میں اعلیٰ مقام عطا کرے جبکہ ان کے سوگواران کو صبرِ جمیل عطا کرے
پاکستان کے معزز چیف جسٹس اور دیگر معزز جج صاحبان نے جسٹس محمد رفیق تارڑ سابق جج سپریم کورٹ آف پاکستان کی وفات پر اظہار تعزیت کی ہے، چیف جسٹس عمر عطا بندیال اور سپریم کورٹ کے دیگر معزز جج صاحبان نے سابق جج سپریم کورٹ آف پاکستان مسٹر جسٹس محمد رفیق تارڑ کے افسوسناک انتقال پر گہرے دکھ اور افسوس کا اظہار کیا ہے۔
علاوہ ازیں عزت مآب چیف جسٹس آف پاکستان نے لاہور میں سوگوار خاندان کی عیادت کی، فاتحہ خوانی کی اور اللہ تعالیٰ سے دعا کی کہ وہ مرحوم کی روح کو جوار رحمت میں جگہ دے اور سوگوار لواحقین کو یہ ناقابل تلافی نقصان صبر و استقامت کے ساتھ برداشت کرنے کی توفیق عطا فرمائے (آمین)
چیف آف دی نیول اسٹاف ایڈمرل محمد امجد خان نیازی نے سابق صدر جناب محمد رفیق تارڑ کے انتقال پر گہرے دکھ اور رنج کا اظہارکیا ہے، ترجمان پاک بحریہ کے مطابق نیول چیف نے کہا ہے کہ اللہ تعالی مرحوم محمد رفیق تارڑ کے درجات بلند کرے اور لواحقین کو صبر جمیل عطا فرمائے۔آمین
ن لیگ کے صدر شہباز شریف کا کہنا ہے کہ سابق صدر ، شفیق اور مہربان بزرگ، زیرک قانون دان رفیق تارڑ رخصت ہوگئے،رفیق تارڑ ہمارے لیے قابل احترام بزرگ کا درجہ رکھتے تھے رفیق تارڑ نے ہر مرحلے پر فہم وفراست اور بردباری سے کلیدی کردار اد ا کیا،
مسلم لیگ ن کی ترجمان مریم اورنگزیب کا کہنا تھا کہ سابق صدر ، جج اور ہمارے بزرگ محترم رفیق تارڑاللہ تعالی کو پیارے ہوگئے۔ اسلام اور مشرقی اقدار کا پیکر ، چھوٹوں پر شفقت اوربڑوں کا ادب ان کی شخصیت کا خاصہ تھا۔ بہت ملنسار، شفیق اور شگفتہ شخصیت کے مالک تھے۔ ان کی علم ودانش ، تاریخ ، قانون ا ورسیاست کے امور پر گہری دسترس سے ہمیشہ سب نے فیض پایا۔ نظریہ پاکستان کی سوچ کا تمام عمر پرچار کرتے رہے۔ اللہ تعالی ان کے درجات بلند فرمائے اور اہل خانہ کو صبر جمیل دے۔ آمین
#
سابق صدر ، جج اور ہمارے بزرگ محترم رفیق تارڑاللہ تعالی کو پیارے ہوگئے۔ اسلام اور مشرقی اقدار کا پیکر ، چھوٹوں پر شفقت اوربڑوں کا ادب ان کی شخصیت کا خاصہ تھا۔ بہت ملنسار، شفیق اور شگفتہ شخصیت کے مالک تھے۔— Marriyum Aurangzeb (@Marriyum_A) March 7, 2022
پی پی پی چیئرمین بلاول بھٹو زرداری نے سابق صدر مملکت محمد رفیق تارڑ کے انتقال پر دکھ و افسوس کا اظہار کیا ہے، پی پی پی چیئرمین نے مرحوم کے اہلخانہ سے دلی تعزیت و ہمدردی کا اظہارکیا ہے چیئرمین بلاول بھٹو زرداری نے مرحوم کے لیئے جنت الفردوس اور لواحقین کے لیئے صبر جمیل کی دعا کی ہے
ن لیگی رہنما رانا مشہور احمد خان کا کہنا تھا کہ انا للہ و انا الیہ راجعون۔ سابق صدر پاکستان اور میاں نوازشریف کے جانثار ساتھی رفیق تارڑ صاحب انتقال کرگئے۔ جمہوریت اور وطن عزیزکیلئے انکی قربانیاں بےمثال ہیں جو ہمیشہ یاد رکھی جائیں گیں ۔ اللّٰہ تعالیٰ مرحوم کےدرجات بلند فرمائے اور لواحقین کو صبر جمیل عطا فرمائے ،آمین۔
مسلم لیگ ن کی رہنما مریم نواز نے کہا ہے کہ سابق صدر رفیق تارڑ صاحب کی وفات ہمارے لیے ایک ذاتی صدمہ ہے۔ان کی آئین قانون اور جمہوریت کے لیے خدمات ہمیشہ یاد رکھی جائیں گی۔وہ نواز شریف کے باوفا دوست اور ساتھی ہونے کے ساتھ ساتھ مسلم لیگ کے لیے سیاسی پیشوا کی حیثیت بھی رکھتے تھے۔ اللّہ تعالی انکے درجات بلند فرمائے۔ آمین
حمزہ شہباز کا کہنا تھا کہ سابق صدر جناب رفیق تارڑ صاحب کے انتقال پر گہرا دکھ اور ملال ہوا۔ مرحوم انتہائی ملنسار ،نیک طبیعت اور سچے پاکستانی تھے۔تارڑ صاحب کا انتقال ہمارے لئے ذاتی صدمہ ہے۔ ان کی رحلت سے مسلم لیگ ن ایک اثاثے اور بزرگ رہنما سے محروم ہو گئی ہے۔اللہ انہیں جنت الفردوس میں اعلی مقام عطا فرمائے۔
وزیر اعلیٰ محمود خان نے سابق صدر رفیق تارڑ کے انتقال پر اظہار افسوس کیا ہے، وزیر اعلیٰ خیبر پختونخوا نے سابق صدر مملکت کے انتقال پر لواحقین سے تعزیت و ہمدردی کا اظہار کرتے ہوئے مرحوم کی مغفرت اور پسماندگان کےلیے صبر جمیل کی دعا کی
:بات سے کیسے بنتے ہیں بتنگڑ:خواجہ سعد رفیق کے گھرجہانگیرترین کی آمد،خواہشات دم توڑگئیں
وزیراعظم نے جہانگیر ترین بارے کیا رپورٹ مانگی تھی؟ بیرسٹر علی ظفر کا انکشاف
اسلام آباد ہائیکورٹ نے جہانگیر ترین بارے درخواست پر فیصلہ سنا دیا
بریکنگ..شہزاد اکبر کھل کر جہانگیر ترین گروپ کیخلاف آ گئے، مقدمہ درج کروا دیا
جہانگیر ترین کیخلاف کاروائی سے پہلے عدالت کو بتانا ہو گا،عدالت کا حکم، درخواست ضمانت واپس
جہانگیر ترین گروپ کی آج کس شخصیت سے ملاقات طے؟ پنجاب میں تہلکہ مچ گیا
جہانگیر ترین گروپ کا آج ہونے والا اجلاس ایک بار پھر موخر
جہانگیر ترین بارے رپورٹ وزیراعظم کو پیش،اہم شخصیت کا بڑا دعویٰ
آرڈر پر عمل نہ ہوا تو سیکریٹری داخلہ، چیف کمشنر، آئی جی اسلام آباد پیش ہوں،عدالت
جہانگیر ترین پارٹی میں ہیں یا نہیں؟ اہم شخصیت نے بڑا دعویٰ کر دیا
جہانگیر ترین شہباز شریف "خفیہ” ملاقات
