ایک اور بھارتی اداکار نے خودکشی کرکے اپنی زندگی کا خاتمہ کرلیا

بھارتی نوجوان اداکار اندر کمار نے خودکشی کرکے اپنی زندگی کا خاتمہ کرلیا۔

باغی ٹی وی : بھارتی میڈیا رپورٹس کے مطابق بھارتی تامل ٹیلی ویژن انڈسٹری کے 25 سالہ تامل اداکار اندر کمار نے گزشتہ روز اپنی ایک خاتون دوست کے گھر گلے میں پھندا لگا کر خودکشی کی۔

اندر کمار کے دوستوں کے مطابق وہ بدھ کے روز اپنے دوستوں کے ہمراہ فلم دیکھنے گئے تھے لیکن واپسی پر وہ اپنی دوست کے گھر اکیلے رُک گئے تھے اور اُسی گھر میں اندر کمار کے دوستوں نے اُنہیں مردہ حالت میں پایا۔

اندر کمار کے دوستوں نے مقامی پولیس کو اطلاع دی جس کے بعد پولیس نے مقدمہ درج کرتے ہوئے تفتیش شروع کردی۔

پولیس کا کہنا ہے کہ جائےوقوعہ سے ایسا کوئی ثبوت نہیں ملا ہے کہ جس کی بنا پر خودکشی کی وجہ معلوم ہوسکے تاہم پولیس نے لاش کو پوسٹ مارٹم کے لیے بھیج دیا ہے۔

تاہم بھارتی میڈیا کے مطابق تامل اداکار اندر کمار انڈسٹری میں کام نہ ملنے کی وجہ سے کافی اُداس تھے اور مکمنہ طور پر اُن کی خودکشی کی وجہ یہی بتائی جارہی ہے۔

فوٹو فرام میڈیا: بھارتی تامل اداکار اندر کمار

واضح رہے کہ حال ہی میں گزشتہ برس 14 جون کو خودکشی کر کے موت کو گلے لگانے والے سوشانت سنگھ راجپوت کے ساتھی اداکار سندیپ ناہر نے بھی خودکشی کرکے اپنی زندگی کا خاتمہ کردیا تھا-

رشی کپور کے بھائی راجیو کپور دل کا دورہ پڑنے کے باعث انتقال کر گئے

سوشانت سنگھ راجپوت کے بعد ساتھی اداکار نے بھی زندگی کا خاتمہ کر لیا