ایمن خان اپنا حسین دن برباد ہونے پر مایوس، ذاتی تصاویر سوشل میڈیا پر

ٹیلی ویژن سکرین کی خوبصورت جڑواں بہنوں، ایمن اور منال، سوشل میڈیا پر اپنی مقبولیت کے جھنڈے منواۓ تو ہوۓ ہیں لیکن حال ہی میں کچھ ایسا ہوا کہ ایمن خان کسی نامعلوم شخص سے خفا ہو گئی. انہوں نے سوشل میڈیا پر اظہار کیا کہ وہ بہت مایوس ہو چکی ہیں اور ان کا خوبصورت دن کا اختتام برے طریقے سے ہو رہا ہے.
ایمن خان اداکار منیب بٹ سے شادی کے تھوڑے ہی عرصے بعد ٹی وی سکرین سے غائب ہو گئی. چند روز قبل سوشل میڈیا پر شئیر ہونے والی ایمن اور منیب کی تصویر سے لوگوں کو یقین ہو گیا کہ وہ امید سے ہیں.
ابھی ایک روز قبل ہی ان کے بےبی شوور baby shower کی ذاتی تصاویر کسی نے سوشل میڈیا پر ڈال دی. ان تصاویر میں ایمن خان کو پنک گاؤن میں سیکھا جا سکتا ہے اور "mommy to be” کی پٹی پہنے بھی. ایک تصویر میں منال خان بھی ان کے ساتھ سفید لباس میں کھڑی دیکھی جا سکتی ہیں. وہ تصاویر سوشل میڈیا پر اپلوڈ ہونےکے بعد ایمن خان نے بھی سوشل میڈیا کا رخ کیا اور اس نا معلوم شخص کو، جس نے تصاویر اپلوڈ کی، کہا کہ ان کی اجازت کے بغر ان کی ذاتی تصاویر شیئر کرنے سے ان کا خوبصورت دن مایوسی سے اختتام ہوا. چوںکہ یہ ایک فیملی فنکشن تھا اور خاندان کے چند لوگ اور قریبی دوست مدعو تھے، لہذاٰ یہ حرکت غیرمناسب ہے کہ ان کی اجازت کے بغیر ان کی تصاویر سوشل میڈیا پر ڈال دی گئی.