اکبر ایس بابر متحرک، پی ٹی آئی انٹرا پارٹی انتخابات دوبارہ چیلنج

اسلام آباد: پی ٹی آئی انٹراپارٹی انتخابات کامعاملہ،تحریک انصاف کے انٹرا پارٹی انتخابات الیکشن کمیشن میں چیلنج کر دیئے گئے،

دو الگ درخواستیں الیکشن کمیشن میں دائر کی گئیں،محمود خان اور محمد مزمل نے درخواستیں دائرکیں، درخواست میں مؤقف اختیار کیا گیا کہ پی ٹی آئی کے انٹرا پارٹی الیکشنز کالعدم قرار دئیے جائیں، پی ٹی آئی کا پلیٹ فارم استعمال کرنے سے روکا جائے،

علاوہ ازیں،اکبر ایس بابر نے بھی پی ٹی آئی انٹراپارٹی انتخابات کو الیکشن کمیشن میں چیلنج کردیا ، اکبر ایس بابر نے الیکشن کمیشن میں مؤقف اختیار کیا کہ پی ٹی آئی انٹراپارٹی انتخابات کو کالعدم قرار دیا جائے۔اکبر ایس بابر نے الیکشن کمیشن میں باضابطہ درخواست دائر کردی، درخواست میں کہا گیا کہ ساڑھے 8 لاکھ میں سے 960 ووٹ پڑے ،سنی تحریک میں شامل ہونے والوں کو تحریک انصاف سے خارج کرنے کا حکم دیا جائے،پی ٹی آئی کے فنڈز منجمند کئے جائیں۔

مجھے دانستہ طور پر انٹرا پارٹی الیکشن سے محروم رکھا گیا،اکبر ایس بابر
تحریک انصاف کے بانی رہنما اکبر ایس بابر کا کہنا ہے کہ آج پھر پی ٹی آئی کے تازہ ترین فراڈ کو ناکام بنانے کے لیئے حاضر ہوئے ہیں،تازہ ترین انٹرا پارٹی الیکشن کے نام پر فراڈ قابل قبول نہیں،مجھے کہا جاتا آپ پی ٹی آئی کے انٹرا پارٹی الیکشن میں کیوں شرکت نہیں کرتے، مجھے دانستہ طور پر انٹرا پارٹی الیکشن سے محروم رکھا گیا،مجھے دھمیکیاں دی گئیں اور غلیظ الزامات لگائے گئے،آج درخواست میں مطالبہ کیا ہے کہ ان کے خلاف توہین عدالت کی کاروائی شروع کی جائے، میں نے اپنی ذات کے لیئے کوئی مطالبہ نہیں کیا،

گزشتہ روز تحریک انصاف کے چیف الیکشن کمشنر رؤف حسن نے انٹرا پارٹی الیکشن کے نتائج کا اعلان کیا تھااور کہا تھا کہ انٹرا پارٹی الیکشن میں بیرسٹر گوہر چیئرمین اور عمر ایوب سیکریٹری جنرل منتخب ہوئے ہیں، اس بار الیکشن کمیشن پی ٹی آئی کے انٹرا پارٹی انتخابات تسلیم کرے گا اور ہمیں انتخابی نشان واپس ملے گا

سائفر کیس، آج مایوسی ہوئی، عدالت کو کہا فیصلے کو منوائیں، وکیل عمران خان

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر کی ماسٹر کاپی وزارت خارجہ کے پاس موجود ہے،اعظم خان کا بیان

عمران خان اور جیل سپرنٹنڈنٹ کے درمیان تلخ جملوں کا تبادلہ

واضح رہے کہ پہلے اکبر ایس بابر کی درخواست پر ہی انٹرا پارٹی انتخابات کالعدم ہوئے تھے، تحریک انصاف نے سپریم کورٹ میں بھی انتخابی نشان کے لئے درخواست دائر کی تھی تا ہم درخواست مسترد کر دی گئی تھی، تحریک انصاف نے انتخابی نشان بلے کے بغیر الیکشن میں حصہ لیا ، آزاد امیدوار جیتے تو وہ سنی اتحاد کونسل میں شامل ہو گئے،