الاتحاد کلب نے سعودی پرو لیگ کا ٹائٹل اپنے نام کرلیا

سعودی عرب میں الاتحاد کلب نے سنہ2009 کے بعد پہلی مرتبہ سعودی پرو لیگ کا ٹائٹل اپنے نام کرلیا ہے اور عالمی فٹ بال اسٹار کرسٹیانو رونالڈو کی ٹیم النصر یہ اعزاز حاصل کرنے میں ناکام رہی ہے۔ جبکہ الاتحاد کلب نے نے ہفتے کو کھیلے گئے اپنے آخری میچ میں الفیحہ کلب کو تین صفر سے شکست دی ہے۔وہ اس فائنل میچ کے تیسرے منٹ میں احمد شراہیلی کے گول اور رومرینہو کے دو گول کی بدولت فاتح ٹھہری ہے اوراس نے گذشتہ سیزن کے آخری روز ٹائٹل ہارنے کی تلافی کرلی ہے۔

سعودی پرولیگ میں جدہ سے تعلق رکھنے والے اتحاد کلب کے 69 پوائنٹس ہیں اور یہ النصر سے پانچ زیادہ ہیں۔النصر کا الاتفاق کلب کے خلاف میچ ، ایک ایک گول سے برابررہا تھا۔ان ٹیموں کے درمیان ابھی ایک راؤنڈ کے میچ باقی ہیں لیکن ان کے نتیجے سے الاتحاد کی جیت پرکوئی فرق نہیں پڑے گا کیونکہ یہ ٹیم ہفتے کے روز ہونے والے میچوں کے نتائج کی بناپر نویں مرتبہ سعودی پرولیگ کے ٹائٹل سے ہم کنار ہوچکی ہے۔ شراہیلی نے مہمان ٹیم کو بہترین آغاز دیتے ہوئے تیسرے منٹ میں ایگور کروناڈو کی فری کک کا رُخ ہیڈ کے ذریعے گول کی جانب موڑ دیا۔رومارینہو نے پہلے ہاف کے اسٹاپ ٹائم کے دوران میں کروناڈوکی فری کک پر دوسرا گول کیا۔ برازیل سے تعلق رکھنے والے اس کھلاڑی نے میچ کے اختتام سے پانچ منٹ قبل اپنا دوسرا گول کیا۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
اس نتیجے میں ٹوٹنھم ہاٹاسپر اور وولورہیمپٹن وانڈررز کے سابق کوچ نونو ایسپیریٹو سینٹو کو اپنا پہلا ٹاپ فلائٹ لیگ ٹائٹل مل گیا ہے۔الدمام میں کھیلے گئے میچ میں رونالڈو کو ایک اور مایوس کن کارکردگی کا سامنا کرنا پڑا اور دوسرے ہاف میں ان کی جگہ ایک اور کھلاڑی کو میدان میں اتارا گیا تھا۔النصر کا الاتفاق کے خلاف میچ ایک ایک گول سے برابر رہا ہے۔ میچ کے وقفے سے دو منٹ قبل یوسفو نیاکیت نے الاتفاق کو برتری دلائی جبکہ برازیل کے لوئز گستافو نے 56 ویں منٹ میں النصر کی جانب سے گول کرکے میچ برابر کردیا۔ رونالڈو جنوری میں النصر کلب میں شامل ہوئے تھے اور وہ اس کے بعد سعودی عرب میں اپنا پہلا سیزن خالی ہاتھ ختم کریں گے۔