عالیہ بھٹ پاکستانی ریپ گلوکار محمد شاہ کے گانے کی متعرف

بالی ووڈ اسٹار عالیہ بھٹ کو پاکستانی ریپ گلوکار محمد شاہ کے ریپ سانگ کی ویڈیو پسند آ گئی-

باغی ٹی وی : حال ہی میں پاکستان کے ایک نوجوان گلوکار محمد شاہ نے بالی ووڈ اداکارہ عالیہ بھٹ کے لیے خصوصی ریپ سانگ تیار کیا ہے جس میں انہوں نے اداکارہ کی تعریفوں کے پل باندھے۔

گلوکار محمد شاہ کے اس ریپ سانگ کا نام ’عالیہ‘ ہے جس میں اُنہوں نے گائیکی کے اپنے منفرد انداز میں عالیہ بھٹ کی فلموں رازی، اسٹوڈنٹ آف دی ایئر، ہائی وے اور ٹواسٹیٹس کے ٹائٹلز اور ویڈیو کلپس کا استعمال بھی کیا-

محمد شاہ کا یہ ریپ سانگ جہاں پاکستان میں مقبول ہورہا ہے تو وہیں بھارت میں بھی اس کے خوب چرچے ہورہے ہیں جبکہ عالیہ بھٹ کو خود اُن پر بنایا گیا یہ ریپ سانگ بہت پسند آیا ہے۔

عالیہ بھٹ نے محمد شاہ کے ریپ سانگ پر کمنٹ کرتے ہوئے لکھا ’بہت ہارڈ۔‘

جبکہ عالیہ بھٹ کے اس تبصرے پرمحمد شاہ نے ان کو جواب دیا کہ عالیہ بھٹ، مجھے آپ سے محبت ہے۔

دوسری جانب بھارتیوں کی جانب سے بنائے گئے عالیہ بھٹ کے فین پیچز پر بھی محمد شاہ کے اس ریپ سانگ کی خوب تعریف کی جارہی ہے۔

واضح رہے کہ اداکارہ اس وقت اداکار رنبیر کپور کے ساتھ مالدیپ میں چھٹیاں گزار رہی ہیں۔