چیئرمین سینیٹ محمد صادق سنجرانی سے پاکستان میں ایتھوپیا کے سفیر جمال بکر عبداللّہ نے پارلیمنٹ ہاوس میں ملاقات کی۔ملاقات میں باہمی دلچسپی کے امور سمیت تجارتی، پارلیمانی روابط کو مزید فروغ دینے کے حوالے سے تبادلہ خیال کیا گیا۔ چیئرمین سینیٹ محمد صا دق سنجرانی نے کہا کہ پاکستان اور ایتھوپیا کے تعلقات مشترکہ تاریخ، مفادات اور بین الاقوامی فورمز پر باہمی حمایت پر مبنی ہیں۔ایتھوپیا کے ساتھ تجارتی اور اقتصادی روابط کومزید فروغ دینے کی ضرورت ہے اور دونوں ممالک کے کاروباری افراد کے مابین رابطوں کو آسان اور بہتر بنانا چاہئے۔ ملاقات میں دوطرفہ تجارتی حجم کو بڑھانے پر بھی زور دیا گیا۔
محمد صادق سنجرانی کا مزید کہنا تھا کہ پاکستان اورایتھوپیا کے درمیان پروازوں کا آغاز خوش آئند ہے۔ کراچی سے ایتھوپین ائیرلائن کی پروازیں شروع کرنا مثبت اقدام ہے۔ چیئرمین سینیٹ نے ایتھوپیا کی حکومت کا اس اقدام پر شکریہ ادا کیا۔ چیئرمین سینیٹ نے کہا کہ اس فضائی سروس سے پورے افریقہ کے ساتھ رابطہ کاری میں مدد ملے گی اور دونوں ممالک کے درمیان پروازوں کی بحالی سے تجارت اور سیاحت کو بھی فروغ حاصل ہوگا۔ملاقات میں چیئرمین سینیٹ نے ایتھوپیا کے ساتھ تعلیمی شعبے میں تعاون اور عوامی روابط کو مزید بڑھانے پر بھی زور دیا۔
چیئرمین سینیٹ محمد صا دق سنجرانی نے مزید کہا کہ دنیا میں اسلامو فوبیا کے تدارک، بین المذاہب ہم آہنگی اور باہمی احترام کو فروغ دینا چاہئے۔ایتھوپیا، پاکستان کی اینگیج افریقہ پالیسی کی تحت انتہائی اہمیت کا حامل ہے۔ایتھوپیا کے سفیر نے چیئرمین سینیٹ محمدصادق سنجرانی کو ایتھوپیا کی پارلیمنٹ کی قیادت کی جانب سے ایتھوپیا کا دورہ کرنے کی دعوت بھی دی۔ چیئرمین سینیٹ نے ایتھوپیا کی پارلیمانی قیادت، حکومت اور سفیر کا خصوصی شکریہ ادا کرتے ہوئے کہا کہ پارلیمانی وفود کے تبادلوں سے تعلقات کو مزید فروغ ملے گا۔
ایتھوپیا کے سفیر جمال بکر عبداللہ نے کہا کہ افریقی ممالک کا گیٹ وے ہونے کی وجہ سے پاکستانی سرمایہ کار فائدہ اٹھا سکتے ہیں۔انہوں نے پاکستان کے ساتھ تجارتی روابط مستحکم کرنے اور دو طرفہ تعلقات کو فروغ دینے کے حوالے سے اپنے عزم کا اظہار کیا۔
لاہور دھماکہ، ایئر پورٹ سے فرار ہونیوالے مشتبہ شخص کو گرفتار کر لیا گیا
جوہر ٹاؤن دھماکہ،تحقیقات میں زبردست کامیابی حاصل کر لی، شیخ رشید
جوہر ٹاؤن دھماکہ "را” کے ملوث ہونے کے ثبوت،دو مزید ملزمان گرفتار،ڈیوڈ بارے اہم انکشافات
جوہر ٹاؤن دھماکہ، سب ملزمان گرفتار، ملک دشمن خفیہ ایجنسی ملوث، بزدار کی پریس کانفرنس
جوہرٹاؤن دھماکہ ، گرفتار ملزمہ عدالت پہنچ گئی
