افغانستان کے سابق نائب صدرامراللہ صالح کے گھر سے 6 اعشاریہ 5 ملین ڈالر جبکہ سونے کی اینٹیں بھی برآمد ہوئی ہیں۔
باغی ٹی وی : سینئیر صحافی سلیم صافی نے سماجی رابطے کی ویب سائٹ ٹوئٹر پر ایک ویڈیو شئیر کی ہے جس میں طالبان کو ڈالرز اور سونے کی اینٹوں کی گنتی کرتے دیکھا جا سکتا ہے-
امراللہ صالح کے ایک ٹھکانے سے طالبان کو ملنے والے ڈالرز اور قیمتی نوادرات کی ایک جھلک ۔۔۔ طالبان کے لئے گنتی مشکل ہورہی ہے۔ pic.twitter.com/Tot5W1EJqD
— Saleem Safi (@SaleemKhanSafi) September 13, 2021
طالبان کے مطابق امراللہ صالح کے گھر سے 6 اعشاریہ 5 ملین ڈالر اور 18 سونے کی اینٹیں بھی برآمد کی گئی ہیں۔ افغان رہنما احمد اللہ متقی نے امراللہ صالح کے گھرسے رقم برآمدگی کی تصدیق کی ہے۔
اسلام کی کرم نوازیاں🕋♥️
پنجشیر کے باغی اور کابل انتظامیہ کے سابق نائب امر اللہ صالح کے گھر سے اسٹوڈنٹ نے 65 لاکھ ڈالر اور کافی مقدار میں سونا برآمد کرلیا۔ pic.twitter.com/7t8Ts9jTZ9
— Islamic Services Intelligence (@WorldOfIsI) September 13, 2021
واضح رہے کہ اس سے قبل سابق افغان صدر اشرف غنی سے متعلق ایسی اطلاعات سامنے آئی تھیں کہ وہ ملک سے فرار ہوتے وقت کروڑوں ڈالراپنے ساتھ لے گئے۔
https://twitter.com/ZaidZamanHamid/status/1437370263436414976?s=20
امراللہ صالح افغانستان کے مفرور صدر اشرف غنی کے دور میں امر اللہ صالح نائب صدر کے عہدے پر فائز تھے۔ انہوں نے اشرف غنی کے ملک سے فرار ہونے کے بعد خود کو صدر قرار دیا تھا۔ اشرف غنی کے دور میں امراللہ صالح کو وزیر داخلہ بھی بنایا گیا تھا۔
امراللہ صالح جو افغانستان کی انٹیلیجنس سروس کے سربراہ بھی رہ چکے ہیں، نے لوگوں سے وادی پنجشیر کی مزاحمت میں شریک ہونے کا کہا تھا امراللہ صالح کا کہنا تھا کہ ’وہ کبھی طالبان کے ساتھ ایک چھت کے تلے نہیں بیٹھیں گے۔ کبھی بھی نہیں۔
افغان میڈیا کا کہنا ہے کہ افغانستان کے نائب صدر امراللہ صالح فرار ہو گئے ہیں جب کہ احمد مسعود بھی منظر سے غائب ہیں۔ خبریں یہ بھی آ رہی ہیں کہ امر اللہ صالح کے بھائی روح اللہ عزیزی کو قتل کردیا گیا ہے۔
