اے این ایف کی کاروائیاں،331 کلو منشیات برآمد،11 ملزمان گرفتار

اے این ایف کا منشیات اسمگلنگ کے خلاف کاروائیوں کا سلسلہ جاری ہے

10 کاروائیوں میں 331 کلو منشیات برآمد،11 ملزمان گرفتار کر لئے،کارگو آفس اسلام آباد میں برطانیہ بھیجے جانے والے پارسل سے 10.5 کلو ہیروئن برآمد، ملزم گرفتار کر لیا گیا،لاہور کوریئر آفس میں سری لنکا بھیجے جانے والے پارسل سے 2.5 کلو آئس برآمد کر لی گئی،اسلام آباد ایئرپورٹ پر قطر جانے والے مسافر سے 68 آئس بھرے کیپسولز برآمدکر لئے گئے،پشاور ایئرپورٹ پر دوحہ جانے والے مسافر سے 1.8 کلو چرس برآمد کر لی گئی،لاہور ایئرپورٹ پر نائجیریا سے بھیجے گئے پارسل سے 330 گرام کوکین برآمد کر لی گئی،کلی کانک مستونگ سے 255 کلو افیون برآمد کی گئی،ایم ون موٹر وے اسلام آباد پر دو ملزمان سے 29 کلو چرس برآمد کی گئی،لکپاس ٹول پلازہ مستنگ کے قریب 22 کلو چرس برآمد، ملزم گرفتار کر لیا گیا،شیر شاہ ٹول پلازہ ملتان کے قریب دو ملزمان سے 7 کلو چرس برآمد کی گئی،محلہ عثمانیہ گلگت کے قریب 3 ملزمان سے 1 کلو چرس برآمد کی گئی،گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔

ایئرپورٹس سیکیورٹی فورس کے عملے نے فیصل آباد ایئر پورٹ پر کارروائی کرتے ہوئے دبئی کے مسافر کو گرفتار کر کے ہیروئن برآمد کر لی،ترجمان کے مطابق فیصل آباد ایئرپورٹ پر دبئی کی پرواز پر سفر کے لیے پہنچے، مسافر محمد ارشاد نے آئس ہیروئن بیگ کی تہہ میں رکھے ایلومینیم راڈز میں مہارت سے چھپا رکھی تھی،اے ایس ایف کے عملے نے سامان کے مشکوک ہونے پر دستی تلاشی کے دوران 592 گرام ہیروئن برآمد کر کے اسمگلنگ کی کوششں ناکام بنا دی،ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے