انوشکا شرما نے بیٹی کے ساتھ پہلی تصویر شئیر کردی

بالی وڈ اداکارہ و پروڈیوسر انوشکا شرما اور بھارتی کرکٹ ٹیم کے سابق کپتان ویرات کوہلی کی اہلیہ نے اپنی بیٹی کے ساتھ پہلی تصویر شیئر کر دی۔

باغی ٹی وی :گزشتہ ماہ اداکارہ انوشکا شرما اور کرکٹر ویرات کوہلی کے ہاں بیٹی کی پیدائش ہوئی اور انہوں نے کہا تھا کہ وہ اپنے بچے کو سوشل میڈیا سے دور رکھیں گے۔

تاہم سوشل میڈیا پر انوشکا شرما اور ویرات کی متعدد تصویریں سامنے آئی تھیں لیکن اب تک ان کی بیٹی کی کوئی تصویر منظر عام پر نہیں آئی تھی۔

اب انوشکا نے خود اپنے تصدیق شدہ انسٹاگرام اکاؤنٹ پر ایک تصویر شیئر کی ہے جس میں وہ ویرات کے ساتھ ہیں اور اپنی بیٹی کو تھامے ہوئی ہیں۔

انوشکا شرما نے اپنی بیٹی کی تصویر شیئر کرنے کے ساتھ ساتھ بتایا کہ انہوں نے بیٹی کا نام ‘ومیکا’ رکھا ہے۔

اداکارہ انوشکا شرما نے اپنے کیپشن میں بتایا کہ ان کی بیٹی کے آنے سے زندگی کی روٹین بدل گئی ہے سونا بہت مشکل ہے تاہم آپ سب کی تمام تر دعاؤں اور محبت کا شکریہ ادا کیا-