مسلح ملزمان کا تھانہ اتحاد ٹاؤن پولیس پارٹی پر حملہ

0
63

کراچی :فرائض منصبی کی ادائیگی کے دوران مسلح ملزمان کا تھانہ اتحاد ٹاؤن پولیس پارٹی پر حملہ،اطلاعات کے مطابق فائرنگ کے تبادلہ کے بعد ایک ملزم زخمی حالت میں گرفتار ہوچکا ہے

ایس ایس پی کیماڑی فدا حسین جانوری کاکہنا تھا کہ انتہائی مطلوب سواتی گینگ نامی ڈکیت گروہ کے کارندوں کی عابد آباد قبرستان میں موجودگی کی اطلاع پر پولیس پارٹی موقع پر پہنچی تھی۔۔مسلح ملزمان نے پولیس پارٹی کو دیکھتے ہی پولیس پارٹی پر فائرنگ شروع کر دی۔

پولیس پارٹی نے انتہائی بہادری اور پروفیشنل انداز میں ملزمان کا مقابلہ کرتے ہوئے ایک ملزم کو زخمی حالت میں گرفتار کرلیا جبکہ ایک ملزم فرار ہونے میں کامیاب ہو گیا۔

گرفتار زخمی ملزم محمد اختر عرف محمد ولد فضل محمد کو فوری طور پر طبعی امداد کے لیے ہسپتال منتقل کیا گیا۔ملزم کے قبضہ سے آتشی اسلحہ 30 بور پستول بمعہ ایمونیش برآمد کر لیا گیا۔

گرفتار ملزم نے اپنے ساتھیوں کے ہمراہ چند روز قبل پولیس مقابلے کے دوران ایس ایچ او تھانہ سرسید شاھد تاج کو ہاتھ میں گولی مار کر زخمی کیا تھا۔ ان کا کہنا تھا کہ مذکورہ پولیس مقابلے میں ملزم کا ایک ساتھی ہلاک جبکہ ایک گرفتار ہوا تھا۔

ابتدائی تحقیقات کے مطابق مذکورہ سواتی گینگ شھر بھر میں 50 سے زائد وارداتیں انجام دے چکا ہے۔

جبکہ مذکورہ گینگ کے تمام کارندوں کے خلاف کراچی کے مختلف تھانوں میں متعدد مقدمات درج ہیں اور کئی بار گرفتار بھی ہو چکے ہیں۔ ملزمان کے خلاف مقدمات کا اندراج و مزید تفتیش کا سلسلہ جاری ہے۔

Leave a reply