بلوچ رجمنٹ میں آرمی چیف کی آمد ،اہم فیصلے

ایبٹ آباد:ایک طرف پاکستان بھارت کے جھوٹوں کے بے نقاب کرنے کےلیے عالمی میڈیا کو کنٹرول لائن پر لے جاکر ساری حقیقت بیان کررہاہے تو دوسری طرف اہم دورے پر افواج پاکستان کے سربراہ جنرل قمر جاوید باجوہ ایبٹ آباد پہنچے ہوئے ہیں ، کہا جارہا ہے کہ وہاں آرمی چیف اہم مشن پر گئے ہیں ،

ذرائع کے مطابق اسی حواسے سے پاک فوج کے شعبہ تعلقات عامہ کے ادارے کا کہنا ہے کہ آرمی چیف جنرل قمر جاوید باجوہ نے بلوچ رجمنٹ سینٹر ایبٹ آباد کا دورہ کیا، آرمی چیف نے بلوچ رجمنٹ کے کردار اور کامیابیوں کو سراہا۔جنرل قمر جاوید باجوہ نے بلوچ رجمنٹ کے کرنل کمانڈنٹ انسٹالیشن کی تقریب میں شرکت کی، تقریب میں لیفٹیننٹ جنرل اظہر عباس کو کرنل کمانڈنٹ بلوچ رجمنٹ کے بیجز لگائے گئے۔

تقریب میں حاضر سروس اور ریٹائرڈ افسران کی بڑی تعداد نے شرکت کی، بلوچ رجمنٹ آمد پر آرمی چیف نے یاد گار شہدا پر حاضری دی اور پھول چڑھائے۔آئی ایس پی آر کا کہنا ہے کہ بلوچ رجمنٹ کا داخلی سیکورٹی آپریشنز میں کردار گراں قدر ہے۔