آصفہ بھٹو کی سیاست میں انٹری شوبز ستارے بھی متاثر ہوئے بنا نہ رہ سکے

سابق صدر آصف زرداری اور شہید محترمہ بے نظیر بھٹو کی چھوٹی صاحبزادی آصفہ بھٹو کی سیاست میں انٹری نے فنکاروں کو بھی متاثرکردیا۔

باغی ٹی وی :آصفہ بھٹو زرداری نے چند روزقبل ملتان میں اپوزیشن اتحاد کے جلسے سے خطاب کرکے سیاست کا آغازکیا اور اس دوران وہ لوگوں کی توجہ کا مرکز بنی رہیں جلسے میں عوامی سطح پر انہیں بے حد پزیرائی بھی ملی اور ان کے جلسہ کرنے کے انداز کو جہاں عوام کے علاوہ معروف شخصیات نے بھی کبے حد سراہا وہیں شوبز ستارے بھی تعریف کئے بنا نہیں رہ سکے-

آصفہ بھٹو کی سیاست میں انٹری نے نہ صرف جہانگیر ترین کے بیٹے علی ترین کو متاثر کیا بلکہ شوبز فنکار بھی ان سے متاثر ہوئے بغیر نہ رہ سکے-

گلوکار و اداکار فرحان سعید نے آصفہ بھٹو کی ملتان جلسے کی تصویر شیئر کراتے ہوئے کہا شاندار آغاز۔ اور آصفہ بھٹو کو پیپلز پارٹی کی قیادت کے لیے بہتر انتخاب قرار دیا۔

وہیں گلوکارہ مومنہ مستحسن بھی آصفہ بھٹو زرداری سے متاثر نظر آئیں انہوں نے ٹوئٹر پر آصفہ کی سیاست میں انٹری کو پاکستانی خواتین کے لیے ایک مثبت قدم قرار دیا۔ اس کے ساتھ ہی انہوں نے آصفہ بھٹو کا سیاست میں خیرمقدم کیا لکھا کہ مردانہ غلبہ رکھنے والے سیاسی میدان میں خواتین کی قیادت کے عہدوں پر قدم رکھنے کے بعد پوری پاکستان میں بہت ساری نوجوان خواتین کے دلوں اور روحوں کا راج ہونا لازمی تھا-

The hearts and spirits of many young women all over pakistan must have been reignited seeing more females step into leadership positions in a male dominated political arena. Here’s welcoming @AseefaBZ 🇵🇰
More power to you! 🤛🏼

— Momina Mustehsan (@MominaMustehsan) December 1, 2020

واضح رہے کہ اس سے قبل پاکستان تحریک انصاف کے رہنما جہانگیر ترین کے صاحبزادے علی ترین نے بھی آصفہ بھٹو کی تعریف کرتے ہوئے کہا تھا کہ سیاسی مخالفت اپنی جگہ لیکن آصفہ بھٹو زرداری بہت زبردست ہیں-