سورج آج خانہ کعبہ کے عین اوپر ہو گا

28 مئی کو پاکستانی وقت کے مطابق دوپہر 2 بج کر 18منٹ پر سورج خانہ کعبہ کے اوپر ہوگا۔

باغی ٹی وی : سعودی میڈیا کے مطابق سعودی عرب میں حوطہ سدیر میں فلکیاتی ماہرین نے کہا ہے کہ ہفتہ 28 مئی 2022 کو مکہ مکرمہ کے معیاری وقت کے مطابق دوپہر 12 بجکر 18 منٹ پر سورج خانہ کعبہ کے ٹھیک اوپر نظر آئے گا اس موقع پر قبلے کی سمت سائے کی جہت کے الٹی جانب ہوگی قبلے کی سمت کا درست تعین کیا جا سکے گا۔

ملک بھر میں آج موسم کیسا رہے گا؟

اس وقت دنیا بھرکے سایوں کارخ بیت اللہ کی سیدھ میں ہوگا جبکہ اس لمحے بیت اللہ کا سایہ نہیں ہوگا جس سے قبلہ رخ کا درست تعین کیا جا سکے گا 28 مئی کو مقررہ وقت پر زمین پر ایک چھڑی عمودا گاڑ دیں یا کسی عمارت کے کونے کا انتخاب کریں جیسے ہی یہ وقت آئے گا اس سایہ پر ایک خط کھینچ دیں اور اس خط پر عمود گرائیں شمال سے جنوب کی جانب زاویہ قائمہ بنائیں یہی قبلہ رخ ہوگا۔

سوات، مینگورہ اور گردو نواح میں زلزلے کے جھٹکے

رپورٹ کے مطابق سورج خانہ کعبہ کے ٹھیک اوپر سال میں دو مرتبہ نظر آتا ہے ایک 28 مئی کو مکہ مکرمہ کے معیاری وقت کے مطابق 12 بجکر 18 منٹ پر اور دوسری بار 15 یا 16 جولائی کو مکہ مکرمہ کے معیاری وقت کے مطابق دوپہر 12 بجکر 27 منٹ پرایسا ہوتا ہے-

واضح رہے کہ قدیم زمانے میں جب قبلے کی سمت متعین کرنے کے لیے جدید ترین حساس آلات نہیں تھے تب لوگ اسی منظر کو دیکھ کر مساجد کا سنگ بنیاد رکھتے اور قبلے کی جہت متعین کیا کرتے تھے۔

عمران خان کو گرفتار نہ کیا جائے،مریم نواز کا وزیراعظم کو مشورہ