ڈسٹرکٹ اینڈ سیشن کورٹ اسلام آباد ،آزادی مارچ سے متعلق تھانہ آئی نائن میں درج مقدمے کا فیصلہ سنا دیا گیا ہے
عدالت نے بانی پی ٹی آئی عمران خان، شیخ رشید، شاہ محمود قریشی ،صداقت عباسی اور علی نواز اعوان کومقدمے میں بری کردیا،اسلام آباد میں آزادی مارچ سے متعلق تھانہ آئی نائن میں درج مقدمے کی سماعت ہوئی، عدالت نے بانی پی ٹی آئی عمران خان، سابق وفاقی وزیر داخلہ شیخ رشید اور دیگر رہنماؤں کی درخواست بریت پر محفوظ فیصلہ سنا دیا جب فیصلہ سنایا گیا تو شیخ رشید عدالت میں پیش ہوئے،جوڈیشل مجسٹریٹ ملک محمد عمران نے محفوظ فیصلہ سنایا،مقدمہ دفعہ 144کی خلاف ورزی، توڑ پھوڑ کی دفعات کے تحت 2022میں درج کیا گیا تھا،
قبل ازیں 3 جون کو آزادی مارچ کے دوران توڑ پھوڑ اور دفعہ 144 کی خلاف ورزی کیس کی سماعت ہوئی
عدالت نےسابق چیئرمین پی ٹی آئی عمران خان اور شاہ محمود قریشی کو مقدمات سے بری کردیا، سیشن کور ٹ اسلام آباد نے اسد عمر ،علی محمد خان اورمراد سعید کو بھی بری کردیا،جوڈیشل مجسٹریٹ احتشام عالم نے بریت کی درخواستوں پر فیصلہ سنایا ، سابق چیئرمین پی ٹی آئی اور شاہ محمود قریشی کے خلاف تھانہ گولڑہ میں 2 مقدمات درج تھے،
قبل ازیں جوڈیشل مجسٹریٹ مرید عباس خان نے 2022 میں تحریک انصاف کے آزادی مارچ کے حوالے سے تھانہ کراچی کمپنی میں درج مقدمات میں عمران خان اور دیگر رہنماؤں کی بریت کی درخواستوں پر سماعت کی اور رہنماؤں کو مقدمے سے بری کر دیا،عدالت نے دلائل مکمل ہونے پر لانگ مارچ کے دوران احتجاج اور توڑ پھوڑ کے کیس میں عمران خان، فیصل جاوید، علی نواز اعوان ، سیف اللہ نیازی، زرتاج گل اور اسد عمر کو بری کیا،
100ملین پاؤنڈز ریفرنس،عمران خان کی ضمانت کی درخواست ،نیب نے وقت مانگ لیا
عمران خان جیل میں شاہانہ زندگی گزار رہے ہیں، وفاقی وزیر اطلاعات
عمران خان سے ملاقات نہ کرانے پر توہین عدالت کی درخواست، نوٹس جاری
عمران خان سے خود کو اور آنے والی نسلوں سے محفوظ رکھیں،بشریٰ بی بی کی بیٹی کا بیان
واضح رہے کہ 2022 میں اسلام آباد میں پی ٹی آئی کے لانگ مارچ پر عمران خان سمیت 150افراد کیخلاف 3 مقدمات درج کیے گئے تھے،مقدمات میں جلاؤ گھیراؤ اور توڑ پھوڑ کی دفعات شامل کی گئی ہیں، مقدمہ تحریک انصاف کے چیئرمین عمران خان سمیت باقی قیادت، کارکنان پر درج کئے گئے ہیں، ،درج مقدمات میں اسد عمر، عمران اسماعیل ، راجہ خرام نواز ،علی امین گنڈا پور اور علی نواز اعوان کے نام بھی شامل ہیں،پولیس کے مطابق مقدمات تحریک انصاف کے ڈی چوک پر لانگ مارچ پر تھانہ کوہسار میں درج ہوئے ہیں دونوں مقدمات میں جلاؤ گھیراؤ اور توڑ پھوڑ کی دفعات شامل کی گئی ہیں،پولیس کا کہنا ہے کہ گرفتار افراد نے سابق وزیراعظم، تحریک انصاف کے چیئرمین عمران خان و دیگررہنماؤں کی ایما پر سرکاری املاک کو نقصان پہنچایاجناح ایونیو پر میٹرو اسٹیشن کو آگ لگائی گئی، ایکسپریس چوک پر سرکاری گاڑی کو نقصان پہنچایا گیا،درج مقدموں میں لکھا گیا کہ مظاہرین نے پولیس پارٹی پر پتھراؤ کیا، مظاہرین نے پولیس کی گاڑیوں کے شیشے توڑے،درختوں کو آگ لگائی، ڈنڈے اٹھا کر آنے والے مظاہرین نے پولیس پر حملہ کیا،
پی ٹی آئی رہنماؤں کیخلاف مقدمات درج کر لئے
پولیس پہنچی تو میاں محمود الرشید گرفتاری کے ڈر سے سٹور میں چھپ گئے
پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم
درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ
کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت
کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز
