فلم انڈسٹری کی تباہی کیوں اور کیسے ہوئی بابر علی نے بتا دیا

سینئر اداکار بابر علی نے اپنے حالیہ ٹی وی انٹرویو میں کہا ہے کہ میں نے فلم انڈسٹری میں بہت اچھا وقت دیکھا ہے، لیکن افسوس ہوتا ہے کہ ہماری فلم انڈسٹری بند ہو گئی ، فلم انڈسٹری کی بربادی میں میرے حساب سے ہر ڈائریکٹر اور ایکٹر نے اپنا حصہ ڈالا ہے۔ وقت کا پہیہ اگر پیچھے کر دیا جائے اور مجھے موقع دیا جائے تومیں دو چیزیں ضرور کروں گا ایک وقت کی پابندی اور دوسرابامقصد سکرپٹ کے ساتھ فلمیں بنانا، انہوں نے کہا کہ ہماری فلموں سے جب سکرپٹ کو نکال دیا گیا تو پھر فلمیںدوبارہ شائقین کی توجہ نہ حاصل کر سکیں۔

انہوں نے ایک سوال کے جوا ب میں کہا کہ مجھے کبھی بھی انڈیا سے کام کرنے کی آفر نہیں آئی نہ ہی میں نے کبھی ملک سے باہر جا کر کام کرنے کا سوچا ،بالی وڈ ایک بڑ ی انڈسٹری ہے اور وہاں بہت اچھا کام ہوتا ہے لیکن میری کبھی بھی وہاں جا کر کام کرنے کی خواہش نہیں رہی ۔ ”میرے ملک نے مجھے نام عزت شہرت بہت کچھ دیا میں اسکا شکر گزار ہوں ۔ میں سمجھتا ہوں کہ اپنے ملک میں‌رہ کر ہی بڑا نام بنایا جا سکتا ہے .”