بچیوں کی تعلیم، تربیت کیلیے ابھی بہت کام کرنے کی ضرورت ہے،بلاول

پاکستان پیپلز پارٹی کے چیئرمین بلاول بھٹو زرداری نے کم عمر لڑکیوں کے عالمی دن پر پیغام میں کہا ہے کہ بطور قوم ہمیں اپنی کم عمر بچیوں کی تعلیم، تربیت اور تحفظ کے لیے ابھی بہت کام کرنے کی ضرورت ہے.

بلاول بھٹو زرداری کا کہنا تھا کہ بچیوں کے خلاف امتیازی برتاوَ، گھریلو تشدد، جبری مشقت اور کم عمر شادیوں کی روکتھام کے لیے مل جل کر کام کرنا ہوگا،پاکستان کی کم عمر لڑکیاں بھی پاکستانی خواتین کی طرح بہادر اور باصلاحیت ہیں،سماج اور سرکار پابند ہیں کہ وہ بچیوں کو بہتر تعلیم و تربیت اور صحت کی سہولیات سمیت دوستانہ و مشفقانہ ماحول فراہم کریں، اگر بہتر ماحول اور حقوق کے استعمال کا موقع ملے، تو ہماری بیٹیاں حالات کو بدلنے کی بھرپور صلاحیت رکھتی ہیں،پاکستان پیپلز پارٹی تمام شہریوں کے لیے یکساں حقوق اور مساوات میں یقین رکھتی ہے،شہید بھٹو نے ملک میں پہلی بار حکومتی سطح پر خواتین کے متعلق ترقی پسند سوچ اور پالیسیوں کو متعارف کرایا،قائدِ عوام کا دیا ہوا 1973ع کا آئین قومی زندگی کے تمام شعبوں میں خواتین کی بھرپور شرکت کی حوصلہ افزائی کرتا ہے

بلاول بھٹو زرداری کا کہنا تھا کہ شہید محترمہ بینظیر بھٹو نے اپنے مختصر ادوارِ حکومت کے باوجود لڑکیوں اور خواتین کی ترقی و بھبود کے لیے انقلابی اقدامات کیے، شہید محترمہ بینظیر بھٹو کی جانب سے اٹھائے گئے اقدام میں خواتین کے حقوق کے تحفظ کے لیے قانونسازی شامل ہے،صدر آصف علی زرداری کی زیرِ قیادت سابق وفاقی حکومت ہو یا سندھ میں صوبائی حکومت، ہر عمر کی خواتین کی ترقی و بہبود کی ایجنڈا کو ہمیشہ مقدم رکھا،بینظیر انکم سپورٹ پروگرام کے تحت وسیلہ تعلیم پروگرام اور سندھ میں غریب طالبات کے لیے اسکالرشپس جیسے اقدامات شہید محترمہ بینظیر بھٹو کی پارٹی کے عزم کے آئینہ دار ہیں،یہ شہید محترمہ بینظیر بھٹو کا خواب تھا کہ پاکستانی خواتین بااختیار ہوں اور زندگی کے ہر شعبے میں آگے آئیں،شہید محترمہ بینظیر بھٹو کے خواب کو پائیدار ترقی کی شکل میں ڈھالنا ہےاس کے لیے ضروری ہے کہ ہم اپنی کم عمر بیٹیوں اور بہنوں کی بہتر تعلیم و تربیت اور تحفظ کو یقینی بنائیں،آئندہ الیکشن کے بعد بننے والی پی پی پی حکومت کم عمر لڑکیوں کی سازگار ماحول میں نشونما کے لیے ہر ممکن وسائل بروئے کار لائے گی.پیپلز پارٹی سمجھتی ہے کہ صرف اس طرح کے اقدام ہی سے ہم پائیدار ترقی اور خوشحال مستقبل کی سمت بڑھ سکیں گے.

مستونگ جلوس میں خودکش دھماکے کے بعد ہنگو مسجد میں بھی دھماکہ ہو گیا ہے

جو کام حکومتیں نہ کر سکیں،آرمی چیف کی ایک ملاقات نے کر دیا

جنرل عاصم منیر کے نام مبشر لقمان کا اہم پیغام

عمران خان پربجلیاں، بشری بیگم کہاں جاتی؟عمران کےاکاونٹ میں کتنا مال،مبشر لقمان کا چیلنج

ہوشیار۔! آدھی رات 3 بڑی خبریں آگئی

دین اسلام میں بچیوں اور خواتین کو برابری کا مقام حاصل ہے،سارہ احمد
دوسری جانب چئیرپرسن چائلڈ پروٹیکشن بیورو سارہ احمد نےانٹرنیشنل گرلز چائلڈ ڈے کے موقع پر خصوصی پیغام میں کہا ہے کہ آج پوری دنیا میں انٹرنیشنل گرلز چائلڈ ڈے منایا جارہا ہے۔دین اسلام میں بچیوں اور خواتین کو برابری کا مقام حاصل ہے۔پاکستان میں بچیوں کی فلاح وبہبود کےلئے اقدامات کئے گئے ہیں۔چائلڈ پروٹیکشن بیورو میں مقیم بچیوں کو بہترین سہولیات فراہم کی جارہی ہیں۔کمسن بچیوں پر تشدد اور زیادتی کے واقعات کی روک تھام کیلئے اقدامات کئے گئے ہیں ,ہماری آج کی بچیاں مستقبل میں پاکستان کی تعمیر و ترقی میں بھرپور کردار ادا کریں گی۔