بدکرداری کا الزام لگا کر اپنی بیوی کو قتل کرنیوالا سفاک شوہر گرفتار

ایس پی انویسٹی گیشن رضا تنویر نے لاہور میں جرائم پیشہ عناصر کی گرفتاری کے حوالہ سے پریس کانفرنس کی ہے

ایس پی انویسٹی گیشن رضا تنویر کا کہنا تھا کہ جائیداد کے تنازع پر اپنی بیوی کو قتل کرنیوالا شوہرگرفتار کر لیا گیا، ملزم خالد انور بٹ نے اپنی بیوی راشدہ کو فائرنگ کر کے بے دردی سے قتل کر دیا تھا،ملزم کی فائرنگ سے ایک 5سالہ راہگیر بچہ بھی شدید زخمی ہو گیا تھا،ملزم خالد انور بٹ نے اپنی بیوی کو پلاٹ کی فروخت کے تنازع پر قتل کیا،مقتولہ راشدہ نے ملزم سے دوسری شادی کی تھی،

ایس پی انویسٹی گیشن رضا تنویر کا کہنا تھا کہ بدکرداری پر اپنی بیوی کو قتل کرنیوالا سفاک شوہر گرفتار کر لیا گیا، ملزم لیاقت علی نے اپنی بیوی فوزیہ بی بی کو سر میں راڈ مار کر قتل کیا اور نعش قریبی قبرستان میں دفن کر دی، ملزم نے مقتولہ کے کردار کو مشکوک بنا کر اس کے بھاگ جانے ڈرامہ رچا دیا تھا،ملزم نے مقتولہ سے پسند کی شادی کی تھی اور اس کے بطن سے 4 بچے ہیں،

دریائے راوی سے ملنے والی نامعلوم نعش کا معمہ حل ہو گیا، پولیس ٹیم نے نادرا کی مدد سے مقتول محمد جاوید کو شناخت کر کے نعش ورثاء کے سپرد کر دی،مقتول کے اغواء کا مقدمہ اس کے بیٹے کی مدعیت میں تھانہ صدرسیالکوٹ میں درج ہوا تھا،ملزمان نے محمد جاوید کو دوران واردات پھندا ڈال کر قتل کر نے کے بعد نعش موترہ نہر سیالکوٹ میں بہا دی تھی،قتل کی سنگین واردات میں ملوث ملزمان محمد بلال اور سمن شہزادی کو گرفتار کر لیا گیا ہے،

بچوں کے معمولی جھگڑے پر شہری کو فائرنگ کر کے قتل کرنیوالا ملزم گرفتارکر لیا گیا گرفتارملزم نعمان عرف چیتا نے معمولی جھگڑے پر شہری دانیال عرف دانش کو فائرنگ کا نشانہ بنایا،مقتول سروسز ہسپتال پہنچایا گیا جوبعد ازاں زخموں کی تاب نہ لاتے ہوئے جانبحق ہو گیا،ملزم نعمان عرف چیتا کو گرفتار کر کے آلہ قتل پسٹل برآمد کر لیا گیا،

فراڈ اور چوری کے مقدمات میں ملوث ملزم گرفتار کر لیا گیا،گرفتارملزمان اختر اور انور بوگس سموں سے شہریوں کو کالز کر کے اپنی وارداتوں کا نشانہ بناتے،ملزمان کہتے ہم فلاں تھانے سے بول رہے ہیں آپ کا بیٹا ،بھانجا ،بھتیجا زناء کے کیس میں پکڑا گیا ہے ملزمان کہتے لڑکی بھی مر گئی ہے، اپنے عزیز کی جان بچانا چاہتے ہو تو فلاں نمبرز پر رقم بھیج دو،ملزمان سے 30سے زائد جعلی سمیں برآمد کر لی گئی ہیں،ملزمان کو مضبوط پراسیکیوشن کی مدد سے سخت سزائیں دلوائی جائیں گی، شہریوں کے جان و مال کی حفاظت پولیس کی اولین ترجیح ہے،

ملازمت کے نام پر لڑکیوں کی بنائی گئیں نازیبا ویڈیوز،ایک اور شرمناک سیکنڈل سامنے آ گیا

200 سے زائد نازیبا ویڈیو کیس میں اہم پیشرفت

نازیبا ویڈیو سیکنڈل،پولیس لڑکیوں کو بازیاب کروانے میں تاحال ناکام

دوسری جانب ڈولفن سکواڈ کا ڈاکوؤں سے آمنا سامنا ہوا 2ڈاکو گرفتارکر لئے گئے،ترجمان ڈولفن کے مطابق مصری شاہ ڈولفن ٹیم نے 2 مشکوک موٹر سائیکل سواروں کو رکنے کا اشارہ کیا ۔موٹر سائیکل سوار ڈولفن ٹیم پر فائرنگ کرتے ہوئے موقع سے فرار ہو گئے، ڈولفن نے تعاقب کے بعد ملزمان کو مغلپورہ کے قریب راؤنڈ اپ کرلیا۔ڈولفن کی پروفیشنل حکمت عملی سے دونوں ڈاکو پاؤں میں فائر لگنے سے معمولی زخمی ہوئے، ملزمان کے قبضہ سے پستول، چھینے گئے 4موبائلز، موٹر سائیکل برآمد کر لئے گئے ہیں، ملزمان نے زیر استعمال موٹر سائیکل آج شیخوپورہ سے چھینی گئی تھی۔ ملزمان پرڈکیتی ،راہزنی،دیگر سنگین جرائم کے درجنوں مقدمات درج ہیں ملزمان شہباز،دلاور کو تھانہ مغلپورہ کے حوالے کردیا گیا۔