کوئٹہ: بلوچستان : کوئٹہ پھربم دھماکے سے لرز اٹھا :دو افراد جاں بحق، 4 زخمی ،اطلاعات کے مطابق کوئٹہ کے علاقے یونٹی چوک کے قریب دھماکے دو افراد جاں بحق جبکہ 4 زخمی ہو گئے ہیں۔ پولیس کے مطابق دھماکا خیز مواد موٹر سائیکل میں نصب کیا گیا تھا۔
دھماکے کی اطلاع ملتے ہی سیکیورٹی فورسز فوری طور پر موقع پر پہنچیں اور علاقے کا گھیراؤ کر لیا۔
پولیس ذرائع کا کہنا ہے کہ یہ دھماکا کوئٹہ کے علاقے یونٹی چوک میں ہوا۔ دھماکا اس قدر شدید تھا کہ اس کی آواز دور دور تک سنی گئی۔
کوئٹہ پھربھارتی دہشت گردی کا شکار:بلوچستان ہائی کورٹ کے سامنے سرینا ہوٹل کے ایگزٹ گیٹ کے قریب دھماکہ pic.twitter.com/HLA8008X1s
— Baaghi TV باغی ٹی وی (@BaaghiTV) August 8, 2021
پولیس کی طرف سے یہ بھی کہا گیا ہے کہ بلوچستان ہائی کورٹ کے سامنے سرینا ہوٹل کے ایگزٹ گیٹ کے قریب دھماکا ہوا
دوسری جانب امدادی ٹیموں نے موقع پر پہنچ کر ریسکیو کارروائیاں شروع کر دی ہیں۔ زخمیوں کو ایمبیولینسوں کے ذریعے ہسپتالوں میں منتقل کیا جا رہا ہے۔ صورتحال کے پیش نظر ہسپتالوں میں ایمرجنسی نافذ کر دی گئی ہے۔