fbpx

بھارتی پنجابی فلموں کے مشہور اداکار ڈاکٹر جسوندر بھلا کرتار پور پہنچ گئے

مشہور بھارتی فلمی اداکار ریٹائرڈ پروفیسر ڈاکٹر جسوندر بھلا کرتار پور پہنچ گئے۔

باغی ٹی وی : تفصیلات کے مطابق کرتار پور آمد پر میڈیا سے بات کرتے ہوئے جسوندر بھلا نے کہا کہ بڑی امید تھی کہ ایک دن ہمیں بھی کرتار پور کا ویزہ ملے گا اور ہم درشن کریں گے کرتارپور درشن ڈیوڑی پہنچنے پر شاندار استقبال پر انتظامیہ کا مشکور ہوں۔

ان کا کہنا تھا کہ خواہش ہے کہ سردیوں میں پورے پاکستان کا ویزہ ملے تاکہ لاھور کے راستے ننکانہ صاحب پنجہ صاحب کا بھی درشن کر سکوں۔

کرینہ کپورایک بار پھر ہندو انتہا پسندوں کے نشانے پر


جسوندر سنگھ بھلا بھارت کے مشہور و معروف پنجابی مزاحیہ اداکار ہیں۔ جسوندر سنگھ بھلا 4 مئی 1960 کو دوراھا گاؤں لدھیانہ میں پیدا ہوئے۔ ان کے والد برما پور گاؤں میں پرائمری اسکول ٹیچر تھے۔انھوں نے اپنی ابتدائی تعلیم سینئر سیکنڈری سکول درا سے حاصل کی۔

سوشل میڈیا پرشدید تنقید،اکشے کمارنےگٹکےکےاشتہارمیں کام کرنے پرمعذرت کر لی

جسوندر سنگھ نے نیو ایگری کلچر سائنس میں پی ایچ ڈی کی ڈگری حاصل کرنے کے بعد پنجاب یونیورسٹی آف ایگریکلچر میں پروفیسر کی حیثیت سے تعیناتی حاصل کی دوران تعلیم انہوں نے اسکول اور یونیورسٹی کے مختلف مزاحیہ پروگراموں میں شرکت کی لیکن اپنی پیشہ ورانہ زندگی کا باقاعدہ آغاز 1988 میں ایک آڈیو کیسٹ چنکٹا 88 سے کیا ان کی پہلی فلم "دلابھٹی” ہے۔

جسوندر سنگھ بھلا فلموں میں اپنی بے ساختہ اداکاری اور بروقت جملے بازی کی وجہ سے مشہور ہیں وہ سٹیج اداکاری بھی کرتے ہیں اور کینیڈا ، آسٹریلیا میں اپنے سٹیج شو "نائٹی بابا ان ٹاؤن” کے لیے دورے کر چکے ہیں-

سینیما کی بحالی کے بعد کتنے کروڑ سعودی شہری فلم دیکھ چکے ہیں؟