بھارت، بچوں‌ سے جنسی زیادتی کے ملزمان کو ہو گی اب موت کی سزا

بھارت میں بچوں‌ کے خلاف بڑھتے ہوئے جنسی جرائم پر اس قبیح جرم کے مرتکب ملزمان کو سزائے موت دینے کیلئے قانون میں‌ ترمیم کی منظوری دے دی گئی ہے.

باغی ٹی وی کی رپورٹ کے مطابق اس امر کی منظوری ہندوستانی وزیر اعظم نریندر مودی کی زیر صدارت ایک اجلاس میں دی گئی ہے. بھارتی میڈیا کے مطابق اس میٹنگ کے بعد اطلاعات و نشریات کے وزیر پرکاش جاوڈیکر نے بتایا کہ 14 سال تک کے بچوں کے ساتھ جنسی زیادتی جیسے وحشیانہ جرائم کے قصورواروں کو موت کی سزا دینے کے لئے پاکسو ایکٹ میں ترمیم کی جائے گی۔ اس کے علاوہ اس ایکٹ میں بچوں کی فحش تصویر کشی (چائلڈ پورنوگرافی) پر بھی زبردست جرمانہ اور سزا کی جائے گی.

رپورٹ کے مطابق مسٹر جادڈیکر کا میڈیا سے گفتگو کرتے ہوئے کہنا تھا کہ بچوں کو نشہ آور دوائیں دینے پر پابندی کے لئے بھی اس ایکٹ میں ترمیم کی جائے گی، واضح رہے کہ بھارت میں بچوں‌ سے جنسی زیادتی کے واقعات بڑھتے جارہے ہیں.