بھارتی پلے بیک سنگر سشمیتا نے پنکھے سے لٹک کر خودکشی کر لی

بھارت میں پلے بیک سنگر سشمیتا نے کم جہیز لانے پر شوہر اور سسرالیوں کے طعنوں اور بے عزتی سے دل برداشتہ ہو کر خود کشی کرلی

بھارتی ریاست کرناٹک کی مقامی زبان کی گلوکارہ 26 سالہ سشمیتا نے والدہ کے گھر پنکھے سے لٹک کر اپنی زندگی کا خاتمہ کرلیا
جبکہ گلوکارہ کی دو سال قبل ہی شرتھ کمار نامی شخص سے شادی ہوئی تھی

خودکشی سے قبل گلوکارہ نے واٹس ایپ پر اپنی والدہ کے لیے ایک پیغام چھوڑا جس میں گلوکارہ نے شوہر اور سسرالیوں کے مظالم کا ذکر کرتے ہوئے لکھا تھا کہ جہیز کم لانے پر طعنے دیئے جاتے اور بے عزتی کی جاتی تھی جو کہ ان کے لئے ناقابل برداشت ہو چکی تھی

گلوکارہ کی والدہ نے بیٹی کے شوہر اور سسرالیوں پر مقدمہ درج کرنے کا مطالبہ کرتے ہوئے مقامی پولیس میں درخواست دائر کردی ہے تاہم پولیس کا کہنا ہے کہ لاش کے پوسٹ مارٹم کے بعد تحقیقات کا آغاز کیا جائے گا