شیر افضل مروت کا سعودی عرب بارے بیان پاکستان دشمنی ہے،حافظ مسعود اظہر

سعودی وفود کے پاکستان کے دورے کے موقع پر پی ٹی آئی کے رہنما شیر افضل مروت کا سعودی عرب کے خلاف بیان شررانگیزی ، احسان فراموشی اور پاکستان دشمنی ہے قومی سلامتی کے ادارے شیر افضل کے بیان کا نوٹس لیں ۔ سعودی عرب پاکستان کا مخلص اور سچا دوست ہے جس نے ہمیشہ مشکل ترین حالات میں پاکستان کا ساتھ دیا ہے۔ ان خیالات کااظہار پاکستان اسلامک کونسل کے چئیرمین اور جامعہ سعیدیہ سلفیہ کے پرنسپل ڈاکٹر حافظ مسعود اظہر نے کیا ۔

انھوں کہا کہ پی ٹی آئی کے رہنما نے پاکستان میں نام نہاد رجیم چینج کا ذمہ دار سعودی عرب کو ٹھہراکر انتہائی غیر ذمہ داری کا ثبوت دیا ہے اسلئے کہ سعودی عرب نے آج تک کبھی بھی پاکستان کے اندرونی معاملات میں مداخلت نہیں کی ہے بلکہ سعودی عرب پاکستان کا مخلص دوست ہے اور حرمین الشریفین کے امام پاکستان کی سلامتی کےلئے دعائیں کرتے ہیں جو کہ ان کی پاکستان کے ساتھ بے پایاں محبت کا ثبوت ہے ۔ سعودی وفود کے دوروں کا مقصد پاکستان کو معاشی ، اقتصادی اور مالی بحرانوں سے نکال کر استحکام کی راہ پر گامزن کرنا ہے ۔حالیہ سالوں میں بھی سعودی عرب متعدد بار اربوں ڈالرز فنانسنگ کرکے پاکستان کی معیشت کو سہارا دے چکا ہے۔

انھوں نے کہا کہ یہ کوئی پہلا موقع نہیں کہ سعودی عرب نے پاکستان کےلئے مدد کی ہو بلکہ قیام پاکستان سے لے کر اب تک ہر مشکل وقت میں سعودی حکمرانوں نے پاکستان کی مدد کی ہے ۔ کچھ عرصہ پہلے گوادر میں آنے والے سیلاب متاثرین کی مدد وبحالی کےلئے صرف سعودی عرب نے ہی امدادی سامان پہنچایا تھا ۔ سعودی عرب اور پاکستان یک جان دو قالب ہیں ۔ دونوں ملکوں کی باہم دوستی کا یہ رشتہ اسی وقت قائم ہوگیا تھا جب پاکستان معرض وجود میں آیا تھا۔ایسے حالات پی ٹی آئی کے رہنما کی طرف سے سعودی عرب کے خلاف بیان بدترین احسان فراموشی اور پاکستان کے ساتھ دشمنی ہے ۔قومی سلامتی کے اداروں کو چاہئے کہ وہ شیر افضل مروت کے اس بیان کا نوٹس لیں اور ان کے خلاف تادیبی کاروائی کریں۔

سعودی عرب نےہرمشکل وقت میں پاکستان کا ساتھ دیا،علامہ طاہر اشرفی

خواجہ آصف کا سعودی عرب کے حوالے سے شیر افضل مروت کے بیان پر ردعمل

سعودی عرب کے وزیرخارجہ شہزادہ فیصل بن فرحان السعود نے آرمی چیف جنرل سید عاصم منیر سے ملاقات کی

سعودی ولی عہد محمد بن سلمان کا اگلے مہینے مئی میں پاکستان کا دورہ متوقع 

وزیراعظم اور وزیراعلیٰ کا عام پرواز میں‌سفر،مسافروں کو ملی اذیت،پی آئی اے کو بھی نقصان

وزیراعظم شہباز شریف سعودی عرب کا 3 روزہ دورہ مکمل 

شہزادہ محمد بن سلمان کا وزیراعظم پاکستان میاں محمد شہباز شریف کو افطار کی خصوصی دعوت

وزیراعظم کی روضہ رسول ﷺ پر حاضری ،ملک و قوم اورفلسطین کیلئے خصوصی دعائیں کی