لیگی رہنما بلال یاسین کا آپریشن مکمل،حالت خطرے سے باہر ہے،اسپتال ذرائع

وزیراعلی ٰپنجاب عثمان بزدار کا بلال یاسین سے ٹیلی فونک رابطہ ہوا ہے

وزیراعلی ٰعثمان بزدار نے لیگی رہنما بلال یاسین کی خیریت دریافت کی بلال یاسین نے وزیراعلیٰ پنجاب کو فائرنگ کے واقعے کے بارے میں آگاہ کیا

ن لیگی رہنما سردار ایاز صادق نے کہا ہے کہ بلال یاسین خیریت سے ہیں، مگر یہ حکومت کی ذمے داری ہے کہ حملہ آوروں کو گرفتار کرے۔ حکومت کو شہر میں لااینڈ آرڑر کی صورتحال کا جائزہ بھی لینا ہوگا۔

مسلم لیگ ن کے ایم پی اے بلال یاسین کا آپریشن مکمل کر لیا گیا ڈاکترز کا کہنا ہے کہ اب ان کی حالت خطرے سے باہر ہے-کنسلٹنٹ آرتھوپیڈک سرجن میو اسپتال کا کہنا ہے کہ بلال یاسین کو آپریشن کے بعد ایمرجنسی آپریشن تھیٹر سے سرجیکل ٹاور منتقل کر دیا گیا ہے۔ ان کی حالت اب خطرے سے باہر ہے بلال یاسین دو دن آئی سی یو میں رہیں گے جس کی بعد وارڈ میں منتقل کرنے کا فیصلہ کیا جائے گا-

ڈاکٹر نے بتایا کہ بلال یاسین کو ٹوٹل دو گولیاں لگیں تھیں حملے میں ایک گولی بلال یاسین کے پیٹ کو چھو کر گزری ہے، زخم کی پٹی کر دی گئی ہے بلال یاسین کی ہڈی پر لگنی والی گولی کا زخم زیادہ گہرا تھا۔

لیگی رہنما بلال یاسین پر قاتلانہ حملہ، مریم نواز کا ردعمل سامنے آگیا

ان کا کہنا ہے کہ شک ہے کہ ہڈی پر لگنے والا گولی کے دو ٹکرے ہوئے ہیں،ایک ٹکرا نکال دیا ہے ایکسرے کے بعد دوسرے ٹکرے کے حوالے سے واضح فیصلہ کر سکیں گے زخم بھرنے میں 6 سے 9 ماہ لگ سکتے ہیں۔

واضح رہے کہ لاہور سے ن لیگ کے پنجاب سے منتخب رکن اسمبلی بلال یاسین فائرنگ کے نتیجے میں زخمی ہو ‏گئے ہیں خاندانی ذرائع کا کہنا ہے کہ بلال یاسین پر بلال گنج کے علاقے میں نقاب پوش افراد نے فائرنگ ‏کی ہے، دوگولیاں ان کے پیٹ اور ایک پاؤں پر لگی ہے۔

بلال یاسین مسلم لیگ ن کے سینئر رہنما اور سابق وزیر خوراک ہیں۔ وہ بلال گنج کے رہائشی ہیں ‏اور ان کا پارٹی دفتر بھی اسی علاقے میں ہے جہاں انہیں فائرنگ کا نشانہ بنایا گیا۔ایم ایس میواسپتال کا کہنا ہے کہ بلال یاسین کےآپریشن کیلئےسرجن پہنچ گئےہیں۔ ‏

قمری اور شمسی نظام دونوں ہی اللہ کے ہیں:ہمیں نئے سال کا آغازنیکیوں اورخیر سے کرنا…

سی سی پی اوفیاض احمد دیو نے واقعے کا نوٹس لیتے ہوئے ڈی آئی جی آپریشنز سےرپورٹ طلب ‏کر لی ہے۔ سی سی پی اولاہور نے واقعےمیں ملوث ملزمان کی فوری گرفتاری کی ہدایت کی ہے۔

بلال یاسین پر حملے پر ردعمل دیتے ہوئے مریم نواز کا کہنا تھاکہ رکن پنجاب اسمبلی اور نواز شریف کے باوفا ساتھی بلال یاسین پر قاتلانہ حملہ ہوا، ان کے پیٹ اور ٹانگ میں گولیاں لگیں لیکن اللّہ نے بچا لیا۔انہوں نے مزید کہا کہ ڈاکٹرز کا کہنا ہے کہ شدید زخمی ہونے کے باوجود حالت خطرے سے باہر ہے۔انہوں نے دعا کی درخواست کرتے ہوئے کہ اللہ انھیں جلد اور مکمل شفا عطا فرمائے، سب سے دعا کی اپیل ہے۔

نیب نے جھوٹی خبر پر ردعمل:نوازشریف کے حوالے سے بیان جاری کردیا