بلاول بھٹو واحد سیاستدان ہے جو عوام کے حقوق کی جنگ لڑرہےہیں، آصفہ بھٹو

ٹنڈوالہیار: آصفہ بھٹو زرداری کا کہنا ہے کہ بلاول بھٹو واحد سیاستدان ہے جو عوام کے حقوق کی جنگ لڑرہےہیں-

باغی ٹی وی: ٹنڈوالہیار میں جلسے سے خطاب کے دوران آصفہ بھٹو کا کہنا تھا کہ 1971 سے لے کر آج تک پاکستان پیپلزپارٹی نے ہمیشہ عوام کی خدمت کی ہے بھٹو خاندان نے ہمیشہ پاکستان کے مفاد کی بات کی، میرے نانا ذوالفقار علی بھٹو نے پاکستان کو آئین دیا ، بینظیر بھٹو ہمیشہ خواتین کے حقوق کے لیے لڑتی رہیں، پہلے میرے نانا اور بعد میں میری والدہ کو ہم سے چھین لیا گیا، مگر پاکستان پیپلزپارٹی کا عوام کی خدمت کا جذبہ کبھی ٹھنڈا نہیں ہوا،نہ ہی اسے کوئی ختم کر سکتا ہے –

آصفہ بھٹو نے کہا کہ میرے والد آصف علی زرداری نے 18 ترمیم کے ذریعے صوبوں کو خودمختاری دی، بینظیر انکم سپورٹ کے ذریعے خواتین کو ان کا حق دلوایا، دوسری سیاسی جماعتیں اقتدار کا سوچتی ہیں مگر پاکستان پیپلزپارٹی ہمیشہ عوام کی خدمت کا سوچتی ہے بلاول بھٹو واحد سیاستدان ہے جو عوام کے حقوق کی جنگ لڑرہےہیں، اگر آپ چاہتے ہیں کہ آپ کی تنخواہیں ڈبل ہوں،آپ کو 300 یونٹ تک بجلی مفت ملے، آپ کے بچوں کو مفت تعلیم ملے، معیاری صحت کی سہولیات ملیں، کسان خوشحال ہو، نوجوان کو بلاسود قرض پروگرام ملے تو بلاول کا ساتھ دیں، پاکستان پیپلزپارٹی کو ووٹ دیں، تیر پر ٹھپہ لگائیں۔

نواز شریف نے پارٹی کے انتخابی بیانیے کی باقاعدہ منظوری دے دی

جوبائیڈن کی حمایت پر اسرائیل غزہ میں جارحیت کو طول دے رہا ہے،ممبر یورپی پارلیمنٹ

دنیا کی طاقتور ترین افواج کی فہرست جاری