fbpx

بلاول کا اربن فارسٹ بکرہ منڈی میں تبدیل ہوگیا

‏پی ٹی آئی کراچی کے صدر خرم شیر زمان لیاری ندی پہنچے.

پی ٹی آئی رہنماء خرم شیر زمان نے پی پی کے اربن فارسٹ سے متعلق ویڈیو جاری کردی.جس میں انہوں نے بتایا کہ پی پی نے کچھ ماہ قبل یہاں اربن فارسٹ بنانے کا دعویٰ کیا تھا۔

‎‏بلاول زرداری اور مراد علی شاہ یہاں 26 کلو میٹر کا اربن فارسٹ بنانے کا دعویٰ کرکے گئے تھے، مگر بلاول کا اربن فارسٹ بکرہ منڈی میں تبدیل ہوگیا ہے۔

بلاول عیدالاضحی پر مال بنانے کی تیاری کررہے ہیں، بلاول نے اربن فارسٹ کی زمین ٹھیکے پر دیدی ہے جلد یہاں آبادی بھی بنادی جائیگی۔

مراد علی شاہ بتائیں اربن فارسٹ کیلئے کروڑوں روپے خرچ کہاں کیے گئے، ایک طرف وزیراعظم کے بلین ٹری سونامی منصوبے پر سندھ حکومت تنقید کرتی ہے۔

‎‏دوسری طرف پی پی خود اربن فارسٹ کے نام پر دو نمبریاں جاری ہیں، پی پی صوبہ کو تباہ کررہی ہے پی پی کی تباہی کو بےنقاب کرتے رہیں گے۔