پیپلز پارٹی کے چیئرمین بلاول زرداری نے چنیوٹ میں انتخابی جلسے سے خطاب کرتے ہوئے کہا ہے کہ پاکستان اس وقت جس مشکل میں ہے آپ سب کو علم ہے،مہنگائی، غربت، بیروزگاری بڑھ رہی ہے ایسا ماضی میں نہیں ہوا
بلاول کا کہنا تھا کہ پرانے سیاستدان عوامی خدمت کے بجائے ذات کیلئے سیاست کررہے ہیں،پرانے سیاستدانوں کی سیاست سے نقصان عوام اور معیشت کو ہورہا ہے،الیکشن اس لیے لڑرہا ہوں تقسیم، نفرت کی سیاست دفن کرنا چاہتا ہوں،سیاست میں سیاسی دشمنی نہیں، سیاسی اختلاف ہونا چاہیے،سیاست کو دشمنی میں تبدیل نہیں کرنا چاہیے، پیپلزپارٹی نےکبھی انتقام کی سیاست نہیں کی،بینظیربھٹوجب وزیراعظم بنیں توکہاجمہوریت ہی بہترین انتقام ہے، پیپلزپارٹی کےکارکنوں نےضیاکادوردیکھاہے،بینظیربھٹوعوام کی خدمت کرناچاہتی تھیں،تاریخ میں 5سال پہلی بارحکومت چلی،ایک بھی سیاسی قیدی نہ تھا،ہم اپنے منشور اور نظریے پریقین رکھتےہیں،میری حکومت میں کوئی کارکن سیاسی قیدی نہیں ہوگا،ملک سے پرانے سیاست دانوں کا خاتمہ کرنا ہوگا پیپلز پارٹی اگلی حکومت بنائے گی،کسانوں کے حقوق کے لیے ہر جگہ پر آواز بلند کرتے رہیں گے ملک سے اشرفیہ کا خاتمہ کریں گے،مزدور کارڈ سے اپنے مزدوروں کو مدد پہنچائیں گے۔ خواتین اور طالب علموں کے لیے بینظر کارڈ متعارف کروائیں گے.بیٹیوں، بہنوں کو گرفتار کرنا نہ ہماری ثقافت کا حصہ ہے اور نہ کبھی میری سیاست کا حصہ ہوگا،میری حکومت میں سیاست عوام کی خدمت ہو گی، کوئی سیاسی انتقام نہیں ہو گا۔3 بار وزیر اعظم بننے والا کہتا ہے چوتھا موقع دیں تو ،تعلیم، روزگار، علاج دوں گا.میں کام کرنا چاہتا ہوں، خدمت کرنا چاہتا ہوں، نفرت اور تقسیم کا خاتمہ کرنا چاہتا ہوں، چار نہیں، مجھے بس ایک موقع دیں ۔ہمیں ایک نئی سوچ اور نئی سیاست لے کر آنا پڑے گی جہاں سیاست میں اختلاف رائے تو ہو سکتی ہے لیکن ذاتی دشمنی نہیں ہو سکتی۔پی ٹی آئی کے کارکن سمجھتے ہیں کہ مشکلات ختم ہوگئی ہیں لیکن اگر میاں صاحب چوتھی بار بنا تو جو وہ انتقام لے گا آپ لوگوں کو اندازہ نہیں ہے ان کی سیاست ہی یہ ہی ہے
Leave a reply
