بالی ووڈ میں کوئی اس لائق نہیں جسے گھر بلایا جائے،کنگنا رناوت کا نیا شوشہ
بالی ووڈکی متنازع اداکارہ کنگنا رناوت نے نیا شوشہ چھوڑتے ہوئے کہا ہے کہ بالی ووڈ میں کوئی شخص اس لائق نہیں جسے گھر بلایا جائے۔
باغی ٹی وی : بھارتی میڈیا کےمطابق کنگنا رناوت ماضی میں ایک مرتبہ یہ کہہ چکی ہیں کہ ان کا بالی ووڈ میں کوئی دوست نہیں ہیں، جبکہ حال ہی میں سلمان خان کی جانب سے ان کی نئی آنے والی فلم کو پذیرائی ملنے پر انہوں نے کہا تھا کہ وہ اب تنہا نہیں ہیں۔
اکشے کمارکی نئی آنیوالی فلم کیلئے پچاس ہزار سے زائد ملبوسات اور پانچ سو پگڑیاں تیار کی گئیں؟
تاہم ایک یوٹیوب چینل پر کنگنا رناوت نے ایک مرتبہ پھر کہا کہ بالی ووڈ میں کوئی ایسا نہیں جو ان کا دوست بنے جب ان سے سوال کیا گیا کہ بالی ووڈ میں کس شخصیت کو وہ اتوار کے روز ظہرانے پردعوت دیں گی جس پرکنگنا رناوت نےکہا کہ بالی ووڈ سےتواس مہمان نوازی کے لائق کوئی بھی نہیں ہے انہیں گھر تو بلاؤ ہی نہیں بالکل بھی، باہر کہیں ملو تو ٹھیک، لیکن گھر مت بلاؤ۔
جب ان سے سوال کیا گیا کہ کیا بالی ووڈ میں ان کا کوئی دوست ہے تو انہوں نے جواب دیا کہ نہیں بلکل نہیں، میرے دوست بننے لائق ہیں ہی نہیں یہ لوگ، اس کے لیے قابلیت چاہیے جو لوگ میرے ساتھ کام کرتے ہیں انہیں بالی ووڈ میں بائیکاٹ کا سامنا کرنا پڑتا ہے۔
واضح رہے کہ حال ہی میں کنگنا رناوت نے بالی ووڈ سپر اسٹار سلمان خان کی جانب سے اپنی نئی آنے والی فلم دھکڑ کی پذیرائی پر خوشی کا اظہارکرتےہوئےکہاتھا کہ اب میں انڈسٹری میں تنہا نہیں رہی سلمان بڑےاورمہربان انسان ہیں اوران کیجانب سےحوصلہ افزائی پر مشکور ہوں آئندہ وہ خود کو بالی ووڈ میں تنہا نہیں کہیں گی۔
واضح رہے کہ سلمان خان نے جمعرات کو فلم دھکڑ کا ٹریلر اپنے انسٹاگرام پر شیئر کرتے ہوئے کیپشن تحریر کیا، ٹیم دھکڑ کو بہت اچھی فلم بنانے پر دلی مبارکباد انہوں نے اس کے ساتھ کنگنا اور شریک اداکار ارجن رامپال کو بھی ٹیگ کیا یہ فلم رازنیش گھئی نے ڈائریکٹ کی ہے۔