خدیجہ شاہ کو عدالتی حکم کے باوجود رہا نہ کرنے کا معاملہ ، لاہور ہائیکورٹ میں آئی جی پنجاب پولیس اورسی سی پی او لاہور کے خلاف توہین عدالت کی درخواست پر سماعت کا تحریری فیصلہ جاری کر دیا
عدالت نے توہیں عدالت کی درخواست پر سی سی پی او لاہور کو 27اکتوبر کو ذاتی طور پر پیش ہونے کا حکم دے دیا، عدالت نے حکم دیا کہ سی سی پی او پیش ہو کر ضمانت کے باوجود خدیجہ شاہ کا ریمانڈ لینے پر مطمئن کریں ،وکیل درخواست گزار نے کہا کہ پولیس نے دانستہ لاہور ہائیکورٹ میں پیش کردہ رپورٹ میں جھوٹ بولا اور غلط بیانی کی ،جسٹس علی باقر نجفی نے خدیجہ شاہ کی درخواست پر سماعت کا فیصلہ جاری کیا
درخواست گزار کی طرف سے سمیر کھوسہ ایڈووکیٹ پیش ہوئے، وکیل درخواست گزار نے کہا کہ لاہور ہائیکورٹ کے دو رکنی بنچ نے خدیجہ شاہ کی رہائی کی درخواست ضمانت منظور کر لی،پولیس حکام دانستہ خدیجہ شاہ کی رہائی کی راہ میں رکاوٹ بنے ہوے ہیں،پولیس نے خدیجہ شاہ کو رہاہ کرنے کی بجائے اسکی گرفتاری کے لیے ٹرائل کورٹ میں نئی درخواست دے دی ہے ،ایسا کیا جانا عدالتی حکم کی خلاف ورزی ہے،عدالت اپنے حکم کی نفی کرنے پرآئی جی پنجاب پولیس اور سی سی پی او لاہور کے خلاف توہیں عدالت کی کارروائی عمل میں لائے
خدیجہ شاہ کی جانب سے لاہور ہائیکورٹ میں دائر درخواست میں استدعا کی کہ ایڈیشنل آئی جی نے مقدمات کی تفصیلات کے لیے دائر درخواست میں عدالت رپورٹ پیش کی،رپورٹ میں خدیجہ شاہ پر دو مقدمات درج کرنے کی تفصیلات فراہم کی گی ،پولیس نے خدیجہ شاہ سے دیگر مقدمے میں تفتیش شروع کردی ہے ،پولیس کی بدنیتی ہےعدالت آئی جی پنجاب سمیت دیگر کے خلاف توہین عدالت کی کاروائی کرے
پولیس نے خدیجہ شاہ کے خلاف درج مقدمے میں کورکمانڈر ہاؤس لاہور پر حملے سے متعلق الزامات عائد کئے ہیں،خدیجہ شاہ جیل میں ہیں، امریکی حکام نے بھی خدیجہ شاہ سے ملاقات کی ہے، خدیجہ شاہ نے ایک ویڈیو بیان جاری کر کے معافی بھی مانگی تھی، خدیجہ شاہ کو عدالت پیش کیا گیا تا ہم وہ خاموش رہیں اور سوالوں کے جواب نہیں دیئے ، خدیجہ شاہ نے خود تھانے میں پیش ہو کر گرفتاری دی تھی ،انسداد دہشت گردی کی خصوصی عدالت میں تحریک انصاف کی خاتون رہنما خدیجہ شاہ کو پولیس نے پیش کیا تو اس موقع پر خدیجہ شاہ کے منہ پر کپڑا ڈالا گیا تھا، خدیجہ شاہ نے ہاتھ میں تسبح پکڑ رکھی تھی،
جناح ہاؤس لاہور میں ہونیوالے شرپسندوں کے حملے کے بارے میں اہم انکشافات
سیاسی مفادات کے لئے ملک کونقصان نہیں پہنچانا چاہئے
غیر ملکی سفارت خانوں نے اپنے شہریوں کو محتاط رہنے کی ہدایت کر دی
جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار
عدالت نے خدیجہ شاہ کے جسمانی ریمانڈ کی استدعا کو مسترد کردیا
