اسپیکر قومی اسمبلی ایاز صادق کی زیر صدارت اسپیکر چیمبر میں پارلیمانی جماعتوں کا اجلاس ہوا
اسپیکر سردار ایاز صادق سے قومی اسمبلی میں پارلیمانی جماعتوں کے رہنماؤں، اراکین کی ملاقات ہوئی،ملاقات میں اراکین قومی اسمبلی کی پارلیمنٹ سے گرفتاریوں کے حوالے سے تبادلہ خیال کیا گیا،تمام رہنماؤں نے کل رات کے واقع کی مذمت اور اسپیکر سردار ایاز صادق سے سخت سے سخت ایکشن لینے کی استدعا کی،اسپیکر سردار ایاز صادق نےمعاملے کو تمام جماعتوں کے ساتھ مل کر حل کرنے کا عزم کیا،تمام جماعتوں کا ایسے معاملات سے نمٹنے کے لیے مکمل ضابطہ کار بنانے پر بھی اتفاق کیا گیا
اسپیکر قومی اسمبلی ایاز صادق کا کہنا تھا کہ کل رات کے واقع پر دل انتہائی رنجیدہ ہے،پارلیمنٹ کے تمام ممبران میرے لئے انتہائی قابل احترام ہیں ،پارلیمنٹ کے وقار پر کوئی سمجھوتہ نہیں ہو گا، پارلیمنٹ سے گرفتاریوں کی اطلاعات انتہائی تشویشناک ہیں، پارلیمنٹ سے گرفتاریوں کے حوالے سے فوری اور مکمل تحقیقات کا حکم جاری کر دیا ہے،
اسپیکر نے آئی جی اسلام آباد کو اپنے دفتر میں طلب کر کے واقعہ سے متعلّق معلوم کیا،اسپیکر قومی اسمبلی نے آئی جی اسلام آباد کو قانونی طریقہ کار کے مطابق گرفتار اراکین کو پارلیمنٹ میں پیش کرنے کا حکم دیا،اسپیکر ایاز صادق نے آئی جی اسلام آباد کو تمام گرفتار اراکین سے مہذب برتاؤ اور بہترین سہولیات فراہم کرنے کی خصوصی ہدایت کی اور کہا کہ کل رات کے واقع کی مکمل تحقیقات عمل میں لائی جائیں گی، کل رات کے واقع کی مکمل فوٹیج حاصل کی جا رہی ہے، آئی جی اسلام آباد سے واقع کی فوری اور مکمل رپوٹ بھی طلب کر لی ہے، پارلیمنٹ کا تقدس اور احترام سب پر لازم ہے ،
ملاقات میں وفاقی وزرا اور اراکین اسمبلی رانا ثناءاللہ ، اعظم نذیر تارڑ ، عبد العلیم خان، سید خورشید شاہ ، سید نوید قمر، طارق فضل چوہدری ، نور عالم خان ، شندانہ گلزار، خالد حسین مگسی چوہدری سالک حسین، سید امین الحق، امجد علی خان، شاہدہ اختر علی، علی محمد خان، صاحبزادہ حامد رضا اور دیگر نے شرکت کی،
قبل ازیں علی محمد خان ،اعظم نذیر تارڑ ،نوید قمر اورمحمود خان اچکزئی اسپیکر چیمبر پہنچ گئے،گزشتہ را ت کے واقعے سے متعلق پارلیمانی رہنماؤں کی اسپیکر آفس میں مشاورت ہوئی،اسپیکر ایازصادق نے پارلیمنٹ کی داخلی و خارجی راستوں کی فوٹیج منگوا لیں،علی محمد خان نے بھی واقعے سے متعلق تمام فوٹیجز ا سپیکر کو فراہم کر دیں،
گزشتہ روز پارلیمنٹ ہاؤس کے اندر سے پارلیمنٹیرین کی گرفتاری کا معاملہ،آئی جی اسلام آباد پارلیمنٹ ہاؤس پہنچے،اسپیکر قومی اسمبلی ایاز صادق نے آئی جی اسلام آباد کی سرزنش کی،اور کہا کہ گرفتار ارکان پارلیمنٹ کو فوری رہا کیا جائے، پارلیمنٹ کی بے توقیری قبول نہیں،معاملے کی انکوائری ہوگی
پی ٹی آئی رہنماؤں کی رہائی نہیں، پروڈکشن آرڈر کی بات ہوئی،آئی جی اسلام آباد
دوسری جانب آئی جی اسلام آباد پولیس نے پی ٹی آئی کے گرفتار رہنماؤں کی رہائی سے متعلق تردید کرتے ہوئے کہا کہ اسپیکر قومی اسمبلی نےہمیں گرفتار لوگوں کے پروڈکشن آڈر جاری کرنے کا کہا ہے ،شعیب شاہین بازیابی کیس کی سماعت کے دوران اسلام آباد ہائیکورٹ کے چیف جسٹس عامر فاروق نے آئی جی سے سوال کیا کہ آپ پارلیمنٹ سے ہو کر آئے ہیں؟ جس پر آئی جی پولیس نے چیف جسٹس کو جواب دیتے ہوئے کہا کہ جی سر میں وہاں سے ہوکر آرہا ہوں،عدالت نے سوال کیا کہ وہاں کیا ہوا؟ کس سے مل کر آئے ہیں؟جس پر آئی جی اسلام آباد نے کہا کہ اسپیکر قومی اسمبلی سے ملاقات ہوئی ہے،اراکین کو باہر سے گرفتار کیا گیا تھا ہمیں کہا گیا کہ گرفتار لوگوں کے پروڈکشن آڈر جاری کرنے ہیں،اس سے متعلق بات ہوئی ہے
پارلیمنٹ میںجو ہوا،تحقیقات کروا کر مقدمہ درج کروائیں گے،سپیکر ایاز صادق
قبل ازیں اسپیکر قومی اسمبلی سردار ایاز صادق نے اپنے چیمبر میں تمام پارلیمانی جماعتوں کا اجلاس طلب کرلیا،ایاز صادق کا کہنا تھا کہ جو پارلیمنٹ میں ہوا اس پر ایکشن لینا ہوگا،تمام ویڈیوز منگا لی ہیں اور اس پر ذمہ دار کا تعین کرنا ہے،میں اپنے آپ کو بدقسمت سمجھتا ہوں کہ 2014 میں ایک شخص اور اس کے کزن نے حملہ کیا،میں نے ان کے خلاف ایف آئی آر کروائی ،آج بھی جو اس کے ذمہ دار ہیں ان کے خلاف ایف آئی آر دیں گے ،اجلاس میں تمام پارٹیوں کے اراکین شریک ہوں،
فائنل راؤنڈ،ایک اور نومئی کی تیاری،مبشر لقمان نے خبردار کر دیا
تحریک انصاف چاہتی ہے انصاف کا نظام جلسے اور جتھے چلائیں،شیری رحمان
تمہارے جیسے کئی بھگتائے ہیں اُس خاتون وزیراعلیٰ نے، عطا تارڑ
وہی ہوا جس کا ڈر تھا،علی امین گنڈاپور کی ریاست کو دھمکیاں،اگلے دو ہفتے اہم
غلیظ بیانات کی وجہ سے 9 مئی کا مجرم علی امین گنڈا پور کے ساتھ کھڑا ہے،مریم اورنگزیب
تنظیم کی کمی ہی انقلاب کی راہ میں رکاوٹ ہوتی ہے، محمود خان اچکزئی کا پی ٹی آئی کارکنان پر تنقید
پی ٹی آئی کا بیانیہ دفن ہو گیا، عطا تارڑ
خیبر پختونخوا میں دہشت گردی کنٹرول کرو یا حلیف ہونے کا اعتراف کرو، خواجہ آصف
وزیراعلیٰ خیبرپختونخوا علی امین گنڈاپور کے صحافیوں پر بے بنیاد الزامات، بیٹ رپورٹرز کی شدید مذمت
پی ٹی آئی جلسہ،علی امین گنڈا پور کی دھمکیاں،پولیس پر پتھراؤ،شوفلاپ
