لاہور ہائیکورٹ: سوشل ایکٹوسٹ خدیجہ شاہ کو عدالتی حکم کے باوجود رہا نہ کر نے پر آئی جی پنجاب پولیس اور سی سی پی او لاہور کے خلاف توہین عدالت کی درخواست پر سماعت ہوئی،
آئی جی پنجاب پولیس اور سی سی پی او لاہور کے خلاف توہین عدالت کی درخواست پر سماعت ہوئی،عدالت نے توہین عدالت کی درخواست پر آئی جی پنجاب پولیس کو طلب کر لیا،عدالت نے حکم دیا کہ آئی جی پنجاب 3نومبر کو پیش ہوکر جواب داخل کرائیں، عدالت نے سی سی پی او سے استفسار کیا کہ آپکی رپورٹ مجھے قائل نہ کر سکی اس لیے آپکو بلایا ،سرکاری وکیل نے کہا کہ میں تفتیشی کا بیان حلفی دینا چاہتا ہوں ،عدالت نے سرکاری وکیل پر اظہار برہمی کرتے ہوئے کہا کہ اگر اپ اسطرح تفتیش کرنے لگے تو عدالت کیسے آگے بڑھے گی، سرکاری وکیل نے کہا کہ خدیجہ شاہ کے ریمانڈ پر آج فیصلہ ہونا ہے،
عدالت نے کہا کہ اگر ریمانڈ نہیں تو پھر کیا ہے، عدالت نے درخواست گزار کے وکیل سے استفسار کیا کہ آپ ٹرائل کورٹ کا آرڈر چیلنج کریں گے؟ وکیل درخواست گزار نے کہا کہ ٹرائل کورٹ نے آرڈر نہیں لکھا صرف جوڈیشل کیا ہے ،آج بھی ٹرائل کورٹ میں پولیس کی بھاری نفری تعینات ہے ،پولیس کی پیش کردہ رپورٹ مضحکہ خیز ہے،عدالت نے کہا کہ ٹرائل کورٹ کو کیس کا فیصلہ کرنے کا مکمل اختیار ہے ،سرکاری وکیل نے کہا کہ ٹرائل جج نے معاملہ یہاں ہونے کی وجہ سے خدیجہ شاہ کے ریمانڈ دینے یا نہ دینے پر فیصلہ نہیں کیا ،عدالت نے کہا کہ حکومت نے جو کہا اسکے نتائج دیکھتے ہیں ؟آپ نے صرف دو مقدمات دینے کا بیان کیوں دیا،
عدالت میں سی سی پی او بلال صدیق کمیانہ اور ڈی ائی جی انوسثی گیشن عمران کشور پیش ہوئے، جسٹس علی باقر نجفی نے خدیجہ شاہ کی درخواست پر سماعت کی،درخواست گزار کی طرف سے سمیر کھوسہ ایڈووکیٹ پیش ہوئے،
خدیجہ شاہ کی جانب سے لاہور ہائیکورٹ میں دائر درخواست میں استدعا کی کہ ایڈیشنل آئی جی نے مقدمات کی تفصیلات کے لیے دائر درخواست میں عدالت رپورٹ پیش کی،رپورٹ میں خدیجہ شاہ پر دو مقدمات درج کرنے کی تفصیلات فراہم کی گی ،پولیس نے خدیجہ شاہ سے دیگر مقدمے میں تفتیش شروع کردی ہے ،پولیس کی بدنیتی ہےعدالت آئی جی پنجاب سمیت دیگر کے خلاف توہین عدالت کی کاروائی کرے
پولیس نے خدیجہ شاہ کے خلاف درج مقدمے میں کورکمانڈر ہاؤس لاہور پر حملے سے متعلق الزامات عائد کئے ہیں،خدیجہ شاہ جیل میں ہیں، امریکی حکام نے بھی خدیجہ شاہ سے ملاقات کی ہے، خدیجہ شاہ نے ایک ویڈیو بیان جاری کر کے معافی بھی مانگی تھی، خدیجہ شاہ کو عدالت پیش کیا گیا تا ہم وہ خاموش رہیں اور سوالوں کے جواب نہیں دیئے ، خدیجہ شاہ نے خود تھانے میں پیش ہو کر گرفتاری دی تھی ،انسداد دہشت گردی کی خصوصی عدالت میں تحریک انصاف کی خاتون رہنما خدیجہ شاہ کو پولیس نے پیش کیا تو اس موقع پر خدیجہ شاہ کے منہ پر کپڑا ڈالا گیا تھا، خدیجہ شاہ نے ہاتھ میں تسبح پکڑ رکھی تھی،
جناح ہاؤس لاہور میں ہونیوالے شرپسندوں کے حملے کے بارے میں اہم انکشافات
سیاسی مفادات کے لئے ملک کونقصان نہیں پہنچانا چاہئے
غیر ملکی سفارت خانوں نے اپنے شہریوں کو محتاط رہنے کی ہدایت کر دی
جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار
عدالت نے خدیجہ شاہ کے جسمانی ریمانڈ کی استدعا کو مسترد کردیا
